Rohit Pawar News : अजित दादा मोदी साहेबांनाही वयाबद्दल विचारणार का?; आमदार रोहित पवार यांचा सवाल

सुशील थोरात
अहमदनगर : पुढच्या तीन- चार वर्षात अजित दादा कदाचित मोदी साहेबांनाही असे म्हणतील, की मोदी साहेब आता वयस्कर झाले आहेत. पण एवढं धाडस त्या नेत्यांमध्ये आहे का? हे आपल्याला पहावे लागेल; असा सवाल (Rohit Pawar) आमदार रोहित पवार यांनी अजित पवार (Ajit Pawar) यांनी शरद पवारांवर केलेल्या टीकेवर बोलताना उपस्थित केला आहे. (Live Marathi News)

कल्याणमध्ये अजित पवार गटाचा कार्यकर्ता मेळावा पार पडला. यावेळी कार्यकर्त्यांना संबोधित करताना उपमुख्यमंत्री अजित पवार यांनी (Ncp) राष्ट्रवादी काँग्रेसचे अध्यक्ष शरद पवार (Sharad Pawar) यांना लक्ष्य करत सरकारमधील कर्मचारी ५८ व्या वर्षी निवृत्त होतात. पण ८४ वय झालं तरी तुम्ही थांबेना, असं म्हणत अजित पवारांनी शरद पवारांवर टीका केली होती. यावर कर्जत जामखेड मतदार संघाचे शरद पवार गटाचे राष्ट्रवादीचे आमदार रोहित पवार यांनी प्रतिक्रिया दिली. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

वयापेक्षा नियत चांगली हवी 

माझे एवढाच मत आहे की वय किती असते याच्यावर काही नसते. आपण किती अनुभवी आहोत आणि काय करत आहोत; यावर सर्व काही असतं. वयापेक्षा नियत चांगली असणे गरजेचे असल्याचा टोलाही त्यांनी या वेळी रोहित पवार यांनी लगावला आहे.