Yawal Forest Aria : यावल अभयारण्यात पट्टेदार वाघाचे दर्शन

जळगाव : यावल अभयारण्य आणि प्रादेशिकच्या सीमेवर जंगलामध्ये यावल प्रादेशिक वन विभाग यांनी (Jalgaon) लावलेल्या लावलेल्या उच्च क्षमतेच्या ट्रॅप कॅमेऱ्यात पट्टेदार वाघाची (Tiger) छबी कैद झाल्याची माहिती वन विभागाने दिली आहे. यामुळे यावल अभयारण्यात वाघ असल्याचे उघड झाले आहे. (Breaking Marathi News)

मेळघाट ते अनेर डॅम या नैसर्गिक टायगर कॉरिडॉर असल्याने कोरोना काळातही यावल अभयारण्यामध्ये २०२१ मध्ये वाघ आढळून आला होता. यानंतर (Forest Department) वन विभागाने लावलेल्या ट्रॅप कॅमेऱ्यामध्ये असलेला वाघ दिसून आला आहे. मात्र हा वाघ नर आहे कि मादी आणि याचे साधारण वय किती हे समजले नाही. परंतु याबाबतची माहिती लवकरच उपलब्ध होईल; असे यावल उप वनसंरक्षक जमीर शेख यांनी दिली‌ आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

अभयारण्यात वन्यजीव संपदा 

जळगाव जिल्ह्यात येत असलेल्या १७५.५८ चौरस किलोमीटर क्षेत्रावर यावल अभयारण्य पसरले आहे. या अभयारण्याची वन आणि वन्यजीव संपदा कधीकाळी जगभरात दखलपात्र होती. परंतु काही कालावधीने येथील वन संपदा कमी होत गेली.