Karjat Nagarpanchayat : नगरपंचायतीला पूर्णवेळ अधिकारी काही मिळेना; शेवटी नगराध्यक्ष, नगरसेवक उपोषणाला बसले

सुशील थोरात

अहमदनगर : सत्ताधारी आणि विरोधक दोन आमदार असूनही कर्जत (Karjat) नगरपंचायतीला मिळेना पूर्ण वेळ अधिकारी नाही. गेल्या काही महिन्यांपासून अधिकारी नसल्याने कामे मार्गी लागत नाही. यामुळे पूर्णवेळ (Ahmednagar) अधिकारी मिळावा या मागणीसाठी अखेर नगराध्यक्ष आणि नगरसेवक उपोषणाला बसले आहेत. (Live Marathi News)

अहमदनगरच्या कर्जत नगरपंचायतीला कायमस्वरूपी अधिकारी मिळावेत यासाठी नगराध्यक्षासह नगरसेवकांनी उपोषण सुरू केला आहे. गेल्या काही महिन्यांपासून कर्जत नगरपंचायतमध्ये मुख्याधिकारी यांच्यासह महत्त्वाच्या अधिकारी पदावर प्रभारी अधिकारी कार्यरत आहेत. प्रभारी अधिकाऱ्यांमुळे शहरातील नागरिकांच्या समस्यांवर काम करणं कठीण झालं असून कामे प्रलंबित (NCP) राहत आहेत. प्रशासकीय अधिकारी नसल्यामुळे नागरिकांच्या रोशाला सामोरे जावे लागत आहे. त्यामुळे नगरअध्यक्ष उषा राऊत यांच्यासह सत्ताधारी काँग्रेस राष्ट्रवादीच्या पदाधिकाऱ्यांनी अहमदनगर जिल्हा अधिकारी कार्यालयासमोर उपोषण सुरू केले. 

दोन मातब्बर आमदार 
कर्जत जामखेडला राष्ट्रवादीचे आमदार रोहित पवार आणि विधान परिषदेवर गेलेले माजी मंत्री राम शिंदे असे दोन आमदार लाभलेले आहेत. दोन्हीही आमदार मातब्बर असूनही नगरपंचायतीची अशी दशा झाल्यामुळे अखेर नगराध्यक्षांसह नगरसेवक उपोषणाला बसले आहेत. कर्जत नगरपंचायतवर काँग्रेस आणि राष्ट्रवादीची सत्ता आहे. राज्यात महायुतीचं सरकार असल्यामुळे जाणीवपूर्वक अधिकारी दिले जात नसल्याचा आरोप नगरसेवकांनी केला आहे.