Ahmednagar News : पाथर्डी माणिकदौंडी घाटातील टँकर अपघात दोघांचा मृत्यू, पोलीस प्रशासनाची माहिती

सुशील थोरात

Ahmednagar News : अहमदनगरमधील पाथर्डी तालुक्यातील माणिकदौंडीच्या घाटात आज सकाळी झालेल्या टँकर अपघतात दोन जणांचा मृत्यू झाल्याची माहिती समोर आली आहे. अपघातानंतर टँकरला भीषण आग लागली होती.

पोलिसांनी दिलेल्या माहितीनुसार,इथेनॉल टँकर अपघाताता 2 जणांचा मृत्यू झाला आहे. या टँकरमध्ये चालक आणि इतर प्रवासी प्रवास करत होते. टँकर पलटी झाल्यानंतर काही लोकांनी उड्या घेतल्या. त्यात लहू सांडू पवार, सुमन लहू पवार, जगदीश जगन पवार, कोमल जगन पवार हे प्रवाशी किरकोळ जखमी झाले होते. (Maharashtra News)

तर गणेश रामराव पालवे,सुरैया बशीर शेख हे गंभीर जखमी झाले होते. सर्व जखमींवर पाथर्डी ग्रामीण रुग्णालयात उपचार सुरू होते. या जखमींपैकी गंभीर जखमी झालेल्या गणेश रामराव पालवे हा टँकर चालक तर प्रवासी सुरैया बशीर शेख यांचा मृत्यू झाल्याची माहिती पोलीस प्रशासनाने दिली आहे.

गणेश पालवे हा या टँकरचा दुसरा चालक होता. मात्र गणेश हा टँकरच्या डाव्या बाजूला बसलेला होता. त्याच बाजूने टँकर पलटल्याने तो टँकर खाली सापडला होता. महिला अत्यंत गंभीररित्या जखमी झाली होती. तिचाही उपचारादरम्यान मृत्यू झाला.

माणिकदौंडीच्या घाटात एक टँकर पलटी झाल्यानंतर टँकरला मोठी आग लागली होती. त्यामुळे टँकर जवळ काेणालाही जाता येत नव्हते. आगीचा (fire) भडका वाढल्याने घाटातील वाहतूकही दोन्ही बाजूने बंद करण्यात आली होती.