Pune Benglore Highway Bus Accident: पुणे बेंगलोर आशियाई महामार्गावर बस अपघात झाल्याची मोठी घटना समोर आली आहे. कराड तालुक्यातील शिवडे गावच्या हद्दीत उत्तर मांड नदीच्या पुलावर भरधाव वेगाने जाणारी एसटी बस पलटी होऊन हा भीषण अपघात झाला. या अपघातात चालक व क्लिनर गंभीर जखमी झाले असून पंधरा ते वीस प्रवासी जखमी झाल्याची प्राथमिक माहिती मिळत आहे. (Accident News)
बसचा अपघात...
याबाबत अधिक माहिती अशी की, याबाबत माहिती अशी की, कराडहून (Karad To Satara) सातारा दिशेकडे जाणारी विजापूर-सातारा एसटी (क्रमांक केए-२८- २३५०) चालकाचा ताबा सुटल्याने पूलाच्या कठड्याला धडकून महामार्गावर पलटी झाली.
एसटी धडकल्याने मोठा आवाज झाला. त्यामुळे शिवडे तसेच परीसरातील नागरिकांनी व महामार्गावरून ये-जा करणाऱ्या प्रवाशानी जखमींना तात्काळ बाहेर काढून उपचारासाठी खाजगी रुग्णालयात दाखल केले. (Accident News)
दरम्यान, एसटीमध्ये तीस प्रवाशी होते. या अपघातात जवळपास दहा ते पंधरा प्रवाशी जखमी झाले आहेत. सुदैवाने या अपघातात कोणतीही जीवित हानी झाली नाही. घटनेची माहिती मिळताच उंब्रज पोलीस ठाण्याचे कर्मचारी घटनास्थळी दाखल झाले असून अपघाताचा पंचनामा करण्याचे काम सुरू आहे. घटनास्थळी पोलिस हवालदार आळंदे, निलेश पवार, भोसले, काळे यांनी धाव घेऊन वाहतूक सुरळीत केली. (Latest Marathi News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
