- तबरेज शेख
Nashik News : नाशिक शहरात दरोडा टाकण्याच्या हेतूने आलेल्या टाेळीला भद्रकाली पोलिसांनी अतिशय शिताफीने अटक केली. त्यामुळे राज्यातील पोलीस ज्या टोळीचा शोध घेत होते ती टोळी अखेर नाशिक पोलिसांच्या कामगिरीमुळे जेरबंद झाली आहे. (Maharashtra News)
मागील काही दिवसांपासून राज्यात पोलीस वेगवेगळ्या ठिकाणी दरोडे करणाऱ्या टोळीचा शोध घेत होते. त्यांचा शाेध लागत नव्हता. अखेरीस या टोळीला भद्रकाली पोलिसांनी अतिशय शिताफीने गुरुवारी पहाटे एक वाजेच्या सुमारास काठे गल्ली सिग्नल जवळ अटक केली.
या टोळीकडून एक पिस्तूल तसेच घरफोडी करणारे हत्यारे, दरोडे टाकण्यासाठी लागणारे हत्यार, काडतुस आदी जप्त केले आहे. हे सर्व संशयित आरोपी जळगाव जिल्ह्यातील चाळीसगाव येथील आहेत. यातील संशयित आरोपी असलम शेख यावर यापूर्वी जळगाव मध्ये तडीपारीची कारवाई झालेली आहे.
यामध्ये विशाल राजभर, अजय हिरामण, राठोड दानिश रशीद मणियार, नसिरुद्दीन फरुद्दीन शेख या संशयित आरोपींना अटक (arrest) केली आहे अशी माहिती किरणकुमार चव्हाण ( पोलिस उपायुक्त नाशिक) यांनी दिली.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.