सुशील थोरात
अहिल्यानगर : शेवगाव- पाथर्डी विधानसभा मतदारसंघाच्या निवडणुकीसाठी माजी जिल्हा परिषद सदस्य हर्षदा काकडे यांनी आज अपक्ष उमेदवारी अर्ज भरला. मोठे शक्तिप्रदर्शन करत त्यांनी अर्ज भरला. काकडे यांच्या अर्ज भरल्याने महायुतीच्या उमेदवारांचे मात्र टेन्शन वाढणार आहे.
अहिल्यानगर जिल्ह्यातील शेवगाव शहरातील डॉ. बाबासाहेब आंबेडकर, छत्रपती शिवाजी महाराज, गोपीनाथ मुंडे आणि गाडगे महाराज यांच्या पुतळ्याला (Vidhan Sabha Election) अभिवादन करत हर्षदा काकडे यांनी रॅली काढून जनशक्ती संघटनेच्या कार्यकर्त्याच्या उपस्थितीत उमेदवारी अर्ज निवडणूक निर्णायक अधिकारी प्रसाद मते यांच्याकडे दाखल केला. हर्षदा काकडे यांच्या अपक्ष उमेदवारीमुळे (Mahayuti) महायुतीच्या उमेदवाराचे टेन्शन वाढणार असून ही निवडणूक आता मोठ्या चुरशीची होणार असल्याचे दिसून येत आहे.
हर्षदा काकडे या स्व. गोपीनाथ मुंडे यांच्या मार्गदर्शनाखाली भाजपमध्ये काम करत होत्या. मात्र गेल्या काही दिवसांपासून त्या भाजपपासून अलिप्त झाल्या होत्या. आता त्यांनी उमेदवारी अर्ज दाखल केल्यामुळे महायुतीचे उमेदवार मोनिका राजळे यांच्या पुढे एक मोठे आव्हान हर्षदा काकडे यांच्या रूपाने उभा राहिले आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.