Aditya Thackeray Convoy Accident: नाशिक दौऱ्यावर असताना आदित्य ठाकरे यांच्या ताफ्यातील वाहनाला अपघात, दुचाकीस्वाराने दिली धडक

अभिजीत सोनवणे, साम प्रतिनिधी

नाशिकमध्ये आदित्य ठाकरे यांच्या ताफ्यातील एका वाहनाला अपघात झालाय. आदित्य ठाकरे यांच्या ताफ्यामागे असलेल्या दुचाकीस्वाराने एका कारला धडक दिली. या अपघातात दुचाकीस्वार किरकोळ जखमी झालाय. मनमाड शहरात जात असताना हा अपघात घडलाय. दुचाकीच्या धडकेने कारच्या काचा फुटल्या आहेत.

मिळालेल्या माहितीनुसार, ठाकरे गटाचे नेते आदित्य ठाकरे हे नाशिक दौऱ्यावर आहेत. त्यांचा ताफा नाशिकमधील मनमाड शहरात पोहोचला असताना त्यांच्या ताफ्यातील एका कारला दुचाकीस्वाराने धडक दिली. यात दुचाकीस्वार किरकोळ जखमी झालाय. आदित्य ठाकरेंच्या कार्यकर्त्यांची ही कार असून या कारला दुचाकीस्वाराने धडक दिली यात कारचं मोठं नुकसान झालंय.