Panchayat Samiti News : मुख्य कार्यकारी अधिका-यांनी बिडीओंना बजावली निलंबनाची नाेटीस

सांगोला पंचायत समितीचे वादग्रस्त ठरलेले बिडीओ आनंद लोकरे यांना सोलापूर जिल्हा परिषदेचे मुख्य कार्यकारी अधिकारी दिलीप स्वामी यांनी दणका दिला आहे. शासकीय योजनांची अंमलबजावणी करण्याच्या कामात हलगर्जीपणा केल्याचा ठपका ठेवत त्यांना निलंबन करण्याची नोटीस (notice) बजावली आहे.

बिडीओ आनंद लोकरे हे सतत वादग्रस्त ठरले आहेत. अलीकडेच संविधान दिन साजरा न करणा-या अधिकारी व कर्मचाऱ्यांवर देशद्रोहाचा गुन्हा (crime) दाखल केला जाईल असा फतवा काढला होता. त्यानंतर त्यांच्या विषयी नाराजी व्यक्त हाेत होती.

अशाच शासकीय योजनांची अंमलबजावणी करण्याच्या कामात सतत चालढकल आणि हलगर्जीपणा केल्याचे निदर्शनास आल्यानंतर मुख्यकार्यकारी अधिकारी यांनी त्यांच्यावर कारवाईचा बडगा उगारला आहे.

Edited By : Siddharth Latkar