Love Jihad : हिंदू मुलींना पळवून नेण्यासाठी पैसे दिले जातात ? अबू आजमी म्हणाले...

- अमर घटारे

Abu Azmi News : देशात अनेक मोठे हिंदू मुस्लिम लग्न झाले आहेत. अठरा वर्षानंतर आपल्या मर्जीने कोणत्याही व्यक्तीला काेणत्याही धर्मातील व्यक्ती बराेबर लग्न करण्याचा अधिकार आहे. मुस्लिम मुले हिंदू मुलींना लग्नासाठी पळवून नेतात हा केला जाणार आरोप चुकीचा आहे. मुस्लिम लोक हिंदू मुलींना पळवुन नेण्यासाठी पैसे देतात हे देखील म्हणणे चुकीचे आहे आणि असे असेल तर मी आयुष्यभर गुलामी करेल व राजकारण सोडुन देईन असा ठाम विश्वास आमदार अबू आजमी (abu azmi) यांनी व्यक्त केला.

अमरावती जिल्ह्यात सध्या लव जिहादचे अनेक प्रकरण होत असल्याचा आरोप भाजपने (bjp) केला आहे. यावर समाजवादी पार्टीचे नेते व आमदार अबू आजमी यांनी अमरावतीत (amravati) प्रसार माध्यमांची संवाद साधताना मुस्लिम समाजावर हाेत असलेल्या आराेपांचे खंडन केले.

आमदार अबू आजमी म्हणाले मुस्लिम मुले हिंदू मुलींना लग्नासाठी पळवून नेतात हा मुस्लिम समाजावर केला जाणार आरोप चुकीचा आहे. मुस्लिम लोक हिंदू मुलींना पळवुन नेण्यासाठी पैसे देतात हे खाेटे आहे. असे घडत असेल तर मी आयुष्यभर गुलामी करेल व राजकारण सोडुन देईन असेही आमदार आजमी यांनी व्यक्त केले. (Maharashtra News)

राहुल व सोनिया गांधींच्या नेतृत्वात काँग्रेस कमकुवत

आमदार अबू आजमी म्हणाले काँग्रेस पक्ष आता संपल्यात जमा आहे. काही ठिकाणी काँग्रेस महाराष्ट्रात शिल्लक आहे. काँग्रेस वाढायला पाहिजे ही आमची इच्छा आहे, कारण भाजप सोबत लढण्यासाठी फक्त काँग्रेसच पक्ष एक समोर दिसत आहे.

राहुल गांधी व सोनिया गांधी यांचे नेतृत्वात काँग्रेस कमकुवत होत आहे अशी टीका समाजवादी पार्टीचे आमदार अबू आजमी यांनी केली. उत्तर प्रदेशसह हिंदी भाषिक राज्यात काँग्रेस राहिली नाही. पूर्वीची काँग्रेस (congress) आता राहिली नाही आता काँग्रेस कमी झाली आहे असेही आजमी यांनी नमूद केले. (Tajya Batmya)

Edited By : Siddharth Latkar