Aaditya Thackeray : हा निवडणूक आयोग आहे की भाजप आयोग हे समजत नाही; आदित्य ठाकरेंचं टीकास्त्र

Lok Sabha Election : जय भवानी हा शब्द काढणार नाही. हे निवडणूक आयोग आहे की भाजप आयोग आहे हेच समजत नाहीये, अशा शब्दांत आदित्य ठाकरेंनी निवडणूक आयोगासह भाजपवर निशाणा साधला आहे.
Aaditya Thackeray On BJP
Aaditya Thackeray On BJPsaam tv

दिलीप कांबळे, मावळ

जय भवानी हा शब्द काढणार नाही. हे निवडणूक आयोग आहे की भाजप आयोग आहे हेच समजत नाहीये, अशा शब्दांत आदित्य ठाकरेंनी निवडणूक आयोगासह भाजपवर निशाणा साधला आहे. आदित्य ठाकरे आज प्रथमच मुळशीमध्ये आले आहे. येथे शिवसेना संपर्क कार्यालयाचे उद्घाटन त्यांच्या हस्ते करण्यात आले. त्यावेळी माध्यमांशी संवाद साधताना त्यांनी भाजपवर निशाणा साधला आहे.

Aaditya Thackeray On BJP
BJP Candidate List: भाजप उमेदवारांची ११ वी यादी जाहीर! महाराष्ट्रातील जागांची घोषणा नाहीचं; सातारा- रत्नागिरीबाबत सस्पेन्स कायम

राज्यात लोकसभा निवडणुकांची रणधुमाळी रंगली आहे. सर्वच पक्षातील नेते आणि कार्यकर्ते प्रचारासाठी कामाला लागलेत. प्रचारासाठी दोन दिवांपूर्वी ठाकरे गटाचं प्रचार गीत प्रदर्शित झालं. त्यामधील जय भवानी हा शब्द काढण्यासाठी निवडणूक आयोगाकडून ठाकरे गटाला नोटीस बजावण्यात आली आहे. त्यावरून ठाकरे गट आक्रमक झाला असून आदित्य ठाकरेंनी देखील यावर आपली प्रतिक्रिया दिली आहे.

आम्ही जय भवानी हा शब्द काढणार नाही. हे निवडणूक आयोग आहे की भाजपा आयोग आहे हेच समजत नाहीये. देवेंद्र फडणवीस यांना स्वर्गीय हिंदू हृदय सम्राट बाळासाहेब ठाकरे यांच्या विषयी द्वेष आहे, असा आरोप देखील यावेळी आदित्य ठाकरेंनी केलाय.

महाराष्ट्रात महाविकास आघाडीला चांगला प्रतिसाद आहे. शिवसेना ठाकरे गटाचे युवा नेते आदित्य ठाकरे यांनी हा विश्वास व्यक्त केलाय. एकनाथ शिंदे यांनी समोर येऊन बोलावं, मात्र ते येण्यास तयार नाहीत. तसेच राणे हे नेहमीच आमच्यावर बोलत असतात कारण त्यांना पगार मिळतो, अशा शब्दांत आदित्य ठाकरेंनी राणेंवर देखील हल्लाबोल केलाय.

निवडणूक आयोगाच्या या नोटीसवर उद्धव ठाकरेंनी देखील हा महाराष्ट्राचा अपमान आहे अशा शब्दांत प्रतिक्रिया दिली आहे. "आम्ही देखील रामभक्त आहोत हनुमान भक्त आहोत. आई तुळजा भवानी राज्याचं दैवत आहे. जय भवानी जय शिवाजी ही आपण घोषणा करतो. हे आम्ही बोलणारचं. हा महाराष्ट्राचा अपमान आहे. कुलदैवतेबद्दल एवढा आकस आहे. ही हुकूमशाही आहे," असे म्हणत कोणत्याही परिस्थितीत शब्द काढणार नसल्याचे त्यांनी सांगितले आहे.

Aaditya Thackeray On BJP
Maharashtra Politics: भाजपकडून शिंदे गटाला ‘गिव्ह अँड टेक' ऑफर, ठाण्याच्या बदल्यात हवी नाशिकची जागा?

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com