Beed Crime News: बीडच्या परळी तालुक्यात निर्दयीपणाचा कळस गाठल्याची एक धक्कादायक घटना घडली आहे. कुत्रा भुंकला म्हणून एकाने चक्क त्याच्या जवळील बंदुकीतून कुत्र्यावर गोळीबार (Firing) केला आहे. यामध्ये गंभीर जखमी झालेला कुत्रा जागीच ठार झाला आहे. ही घटना बीडच्या परळी-धर्मापुरी मार्गावर असलेल्या एका धाब्यावर घडली आहे. (Beed Latest News)
पोलीसांकडून मिळालेल्या माहितीनुसार, परळी-धर्मापुरी (Beed) मार्गावर विकास बनसोडे यांचे हॉटेल आहे. या हॉटेलवर विकास बनसोडे यांचा एक कुत्रा देखील आहे. मात्र हा कुत्रा भुंकला म्हणून हॉटेलवर आलेल्या रामराज घोळवे, रा. परळी याने कुत्रा भुंकत असल्याच्या कारणावरून त्यास बंदुकीच्या गोळ्या घालून निर्दयीपणे ठार मारलं.
याप्रकरणी हॉटेल चालक विकास बनसोडे यांच्या फिर्यादीवरून परळी ग्रामीण पोलीस ठाण्यात गुरन कलम 428,429 भादवी, कलम 25(3) भारतीय शस्त्र कायद्यानुसार गुन्हा दाखल करण्यात आला आहे. आरोपी असून पोलीस आरोपीचा शोध घेत आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.