Pandharpur News: कमला एकादशी निमित्त 4 लाख भाविक पंढरीत, दर्शनासाठी लागताेय 6 तासांचा वेळ

Kamla Ekadashi 2023 : अधिक मासातील (adhik mahina) आज (शनिवार) कमला एकादशीचा (kamla ekadashi 2023) दिवस आहे. या निमित्त विठू नामाच्या गजरात आजही लाखाे भाविक पंढरीत दाखल झाले आहेत. भाविकांची काेणतीही गैरसाेय हाेऊ नये यासाठी प्रशासन प्रयत्न करीत आहे. (Maharashtra News)

अधिक मासातील कमला एकादशीच्या निमित्ताने यापुर्वी पंंढरपुरात जवळपास अडीच लाखाहून अधिक भाविक आले हाेते. आजही सुमारे चार लाख भाविकांची उपस्थित पंढरीत आहे. विठ्ठल रुक्मिणी पदस्पर्श दर्शनाची रांग गोपाळपूर रोडवरील पत्राश़ेड पर्यंत गेली आहे.

भाविकांच्या (devotees) गर्दीने सहा पत्राशेड भरले आहेत. दर्शन रांगेत 15 ते 20 हजार भाविक उभे आहेत. दर्शनासाठी पाच ते सहा तासांचा अवधी लागत आहे. दर्शन रांगेतील भाविकांसाठी मंदिर समितीने चहा, पाणी, नाष्टयाची मोफत सुविधा उपलब्ध केली आहे.

आज एकादशीच्या निमित्ताने मंदिर समितीचे कार्यकारी अधिकारी राजेंद्र शेळके यांच्या हस्ते फराळाचे वाटप करण्यात आले.

Edited By : Siddharth Latkar