Nashik News : चिंचखेड चौफुलीवरील एटीएम केंद्रातून 28 लाख लंपास, पाेलिस घटनास्थळी दाखल

- अजय सोनवणे

pimpalgaon baswant news : नाशिक जिल्ह्यातील पिंपळगाव बसवंत ही मोठी कांद्याची बाजारपेठ आहे. या ठिकाणी शनिवारी पहाटेच्या सुमारास चिंचखेड चौफुलीवरील एटीएम फोडून तब्बल 28 लाख रुपये चोरून नेल्याची प्राथमिक माहिती मिळत आहे. (Maharashtra News)

चिंचखेड चौफुली हा अत्यंत गजबजलेला परिसर आहे. या ठिकाणची एचडीएफसी बँकेचे एटीएम केंद्र आहे. या केंद्रातील एटीएम मशिन कटरच्या साह्याने फोडण्यात आल्याची माहिती पाेलिसांकडून मिळाली.

पाेलिसांनी दिलेल्या माहितीनूसार महागड्या कारचा वापर करून चोरट्यांनी ही चोरी केली आहे. या ठिकाणी चार चोरटे आले हाेते. ते सर्वजण सीसीटीव्हीत कैद झाले आहेत. या प्रकरणाचा तपास सुरु असल्याचेही पोलिसांनी सांगितले.

Edited By : Siddharth Latkar