Nagar Beed Highway : पुण्याहून नांदेडला निघालेल्या बसला अपघात; 24 जखमी, चार गंभीर

Nagar Beed Highway Accident News : नगर- बीड महामार्गावर आज (मंगळवार) पहाटेच्या सुमारास खासगी बसला झालेल्या अपघातात (accident) 24 प्रवासी जखमी झाले आहेत. या अपघातामधील चार प्रवाशांची प्रकृती गंभीर असल्याची प्राथमिक माहिती मिळाली आहे. (beed latest marathi news)

नगर- बीड महामार्गावरील बीडच्या पाटोदा तालुक्यातील महेंद्रवाडी जवळ पहाटेच्या सुमारास हा अपघात झाला. पुणे येथून नांदेडला जाणारी बस क्रमांक (एम.एच.२६.बी.ई‌.३९३०) मेंद्रेवाडी शिवारात पहाटेच्या सुमारास बीडकडे येत होते. मेंद्रेवाडी हद्दीत बस येत असताना डोंगरात वळणावर तिचा अपघात झाला.

हा अपघात चालकाचा ताबा सुटल्याने झाला असावा असा अंदाज व्यक्त केला जात आहे. या अपघातानंतर पाटोदा पोलिस ठाण्याकडील अधिकारी व कर्मचारी घटनास्थळी दाखल झाले. या बसमधील जखमी प्रवाशांना उपचारासाठी शासकीय रूग्णालयात दाखल करण्यात आले आहे. या अपघातानंतर या मार्गावरील वाहतूक काही वेळ खोळंबली होती.

Edited By : Siddharth Latkar