Nagpur News: धक्कादायक! तरुणाचा विनातिकीट प्रवास, टीसीने नियम सांगताच धावत्या रेल्वेतून मारली उडी

पराग ढोबळे

Nagpur News:

नागपुरातून धक्कादायक घटना समोर आली आहे. रेल्वेतून विनातिकीट प्रवास करणाऱ्या तरुणाला टीसीने कारवाईचा धाक दाखवल्याने धावत्या रेल्वेतून उडी मारल्याची घटना घडली आहे. मंगळवारी सकाळी ही घटना घडली आहे. मोहित सोनी असं तरुणाने रेल्वेतून उडी मारल्याने जखमी झाला आहे. (Latest Marathi News)

टीसीने विनातिकीट प्रवास करणाऱ्या तरुणाला तुरुंगात जाण्यासंदर्भात कारवाईचा धाक दाखवला. त्यानंतर या तरुणाने धावत्या महाराष्ट्र-कोल्हापूर एक्सप्रेसमधून प्रवाशांनी उडी मारल्याची घडली आहे. 23 वर्षीय मोहित सोनी असं जखमी तरुणाचे नाव आहे.

या तरुणाने धावत्या रेल्वेतून उडी मारल्याने डावा पाय आणि हाताला गंभीर दुखापत झाली आहे. नागपूरच्या कामठी स्टेशनच्या हद्दीत ही घटना घडली आहे.

रेल्वे पोलिसांनी जखमी तरुणाला उपचाराकरिता शासकीय रुग्णालय कामठी येथे दाखल केले. त्यानंतर या तरुणाला पुढील उपचारासाठी नागपूरला मेयो रुग्णालयात भरती केले आहे.

नेमकं काय घडलं?

23 वर्षीय तरुण हा आई-वडिलांसोबत रीवा मध्य प्रदेशवरून नागपूरला येत होता. या दरम्यान भंडारा येथे बऱ्याच वेळेपासून पॅसेंजर उभी असल्यानं महाराष्ट्र एक्सप्रेसमध्ये चढले. यावेळी ते रिझर्व्हेशन कोचमध्ये चढले.या प्रवासादरम्यान या तरुणाचा टीसीसोबत वाद झाला. यावेळी टीसीने विना तिकीट असल्यानं दंड भरावा लागेल अथवा तुरुंगात जावं लागेल असं म्हटल्याने वाद झाला. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

मुलगा शिक्षण घेत असल्यानं तुरुंगात भीतीने त्या तरुणांने कामठी स्टेशन जवळ येताच उडी मारली. यात त्याचा पायाला दुखापत झाली. इतवारी रेल्वे पोलिसांनी घटनेची नोंद घेत तपास सुरू केला आहे. अद्याप कुठलाही गुन्हा दाखल झाला नसल्याची माहिती इतवारी रेल्वे पोलिसांनी दिली आहे.