11th Admission List: अकरावी प्रवेश प्रकियेची पहिली यादी आज होणार जाहीर; अशा पद्धतीने करा चेक

दहावीच्या परीक्षेचा निकाल लागल्यापासून विद्यार्थ्यांनी अकरावीच्या कॉलेज प्रवेशाची तयारी सुरु केली होती. विद्यार्थ्यांनी प्रवेश प्रकियेसाठी अर्ज केले होते. त्यानंतर आता २७ जून रोजी अकरावी प्रवेश प्रकियेची पहिली यादी जाहीर होणार आहे. पहिल्या यादीत ज्या विद्यार्थ्यांना कॉलेजमध्ये प्रवेश मिळाला आहे. त्यांना २७ जून ते १ जुलैपर्यंत त्यांचा प्रवेश निश्चित करायचा आहे. या यादीत विद्यार्थ्यांना पहिल्या पसंतीचे कॉलेज मिळाल्यास त्यांना प्रवेश घेणे बंधनकाराक आहे.

अकरावीची प्रवेश प्रक्रिया ऑनलाईन केले जात आहेत. यासाठी आज यादी जाहीर होणार आहे.विद्यार्थ्यांना स्वतः च्या लॉग इनमध्ये जाऊन कोणते कॉलेज मिळाले आहे, हे चेक करता येईल. त्यानुसार पुढील अॅडमिशन प्रक्रिया करावी लागेल. यानुसार जर तुम्हाला कॉलेज मिळाले तर त्यांना महाविद्यालयाच्या वेबसाइटवर जाऊन प्रोसिड फॉर अॅडमिशन या पर्यायावर क्लिक करुन सर्व कागदपत्रे अपलोड करावी लागतील. यानंतर संबंधित महाविद्यालयात जाऊन आपले अॅडमिशन निश्चि करावे लागेल. ज्या विद्यार्थ्यांना यादीतील पहिले कॉलेज लागले असेल त्यांना त्या कॉलेजमध्ये प्रवेश घेणे अनिवार्य आहे. जर तुम्ही या महाविद्यालयात प्रवेश घेतला नाही तर त्यांना पुढील फेरीसाठी फॉर्म भरता येणार नाही.

जर तुम्हाला तुमच्या पहिला क्रमांक सोडून इतर कॉलेजपैकी एका कॉलेजमध्ये प्रवेश मिळाला तर तुम्ही कॉलेजमध्ये जाऊन आपला प्रवेश निश्चित करु शकतता. यासाठी तुम्हाला http://11thadmission.org.in/ या वेबसाइटवर जाऊन पुढील प्रोसेस करावी लागेल.

पहिल्या फेरीनंतर दुसरी फेरी लवकरच जाहीर करण्यात येईल. जवळपास ४-५ फेऱ्या घेण्यात येतात. त्यानंतर सर्व विद्यार्थ्यांना कॉलेजमध्ये अॅडमिशन मिळते. सर्व प्रवेश फेऱ्या झाल्यानंतरच अकरावीचे कॉलेज सुरु होते.