Amit Thackeray : अमित ठाकरेंसाठी आई शर्मिला ठाकरे मैदानात

माहीम मतदारसंघाकडे राज्याचे लक्ष लागलेय. कारण राज ठाकरेंचा मुलगा अमित ठाकरे माहीम मतदारसंघातून राजकारणाच्या मैदानात उतरलाय. माहीममध्ये दोन शिवसेना आणि मनसे यांच्यामध्ये लढत होणार आहे. मुलाच्या प्रचारासाठी शर्मिला ठाकरे मैदानात उतरल्या आहेत.

शर्मिला ठाकरे या मुलासाठी घरोघरी प्रचार करत आहेत. दादर माहीम विधानसभा मतदार संघातून अमित ठाकरे पहिल्यांदाच निवडणुकीच्या रिंगणात उतरले आहेत. शिवसेना ठाकरे पक्षाचे उमेदवार महेश सावंत तसेच शिंदे सेनेचे उमेदवार सदा सरवणकर यांचं आमित ठाकरे यांच्यासमोर आव्हान असेल.

नाशिकच्या धर्तीवर आम्ही करून दाखवले. आता आम्हाला मुंबईत ही करून दाखवायचे. सत्तेत असलेल्यांनी काही केलं नाही पण आम्हाला उत्तम सरकार आणायचं आहे. यामुळे नक्कीच पोटात गोळा आलाय. अशी भावना व्यक्त केलीय शर्मिला ठाकरे यांनी.