Maharashtra Elections 2024 : देवेंद्र फडणवीस यांनी, मी मुख्यमंत्रीपदाच्या शर्यतीत नसल्याचं स्पष्टपणे सांगितलेय. टाइम्स ग्रुपला दिलेल्या मुलाखतीत देवेंद्र फडणवीस यांनी महायुतीमधील मुख्यमंत्रीपदावर भूमिका स्पष्ट केली. दोन दिवसांपूर्वी विनोद तावडे यांनी मुख्यमंत्रीपदाबाबत केलेल्या वक्तव्यानंतर महायुतीमध्ये सावळा गोंधळ आहे का? अशी चर्चा सुरु झाली होती. त्याआधी पंतप्रधान नरेंद्र मोदी आणि अमित शाह यांनी देवेंद्र फडणवीस मुख्यमंत्री होतील, असे संकेत दिले होते. आता स्वत: देवेंद्र फडणवीस यांनी आपण मुख्यमंत्रीपदाच्या शर्यतीत नसल्याचं सांगितलेय. २०१९ विधानसभेपेक्षा जास्त जागा येतील, असा विश्वासही यावेळी फडणवीस यांनी व्यक्त केला.
भाजपचा मुख्यमंत्री व्हावा, अशी कार्यकर्ते आणि पदाधिकाऱ्यांची भावना असल्याचे सांगण्यासही देवेंद्र फडणवीस विसरले नाहीत. हे सांगतानाच देवेंद्र फडणवीस म्हणाले की, आघाडी अथवा महायुतीचे राजकारण वास्तवावर आधारित असते, तिथे भावनेला प्राधान्य देता येत नाही. घटक पक्षांना सोबत घेऊन जायचे असेल, तर सर्व आकांक्षा पूर्ण होतीलच, असे नाही. त्यामुळे मुख्यमंत्रिपदाची कोणतीही शर्यत नाही, अशा शर्यतीत मी सहभागी नाही, असे फडणवीस यांनी सांगितले.
राज्यात पुन्हा महायुतीची सत्ता आल्यास तिन्ही पक्षाचे नेते मुख्यमंत्री ठरवतील. शिवसेनेचे अध्यक्ष एकनाथ शिंदे, राष्ट्रवादीचे अध्यक्ष अजित पवार आणि भाजपचे राष्ट्रीय अध्यक्ष एकत्र बसून मुख्यमंत्रीपदाचा चेहरा ठरवतील, असे देवेंद्र फडणवीस यांनी सांगितले. जास्त जागा, स्ट्राइक रेट असे कोणतेही निकष मुख्यमंत्रीपदासाठी ठरलेले नाहीत.
विधानसभा निवडणूक जाहीर होण्याच्या आधीपासूनच महाराष्ट्रात महाविकास आघाडी आणि महायुतीच्या मुख्यमंत्रिपदाचा चेहरा कोण असेल? हा मुद्दा प्रचंड चर्चेत आला होता. आता ऐन निवडणुकी महायुतीच्या मुख्यमंत्रिपदाच्या चेहऱ्याबाबतच्या चर्चा सुरू झाल्या आहेत. महायुतीमध्ये कोण मुख्यमंत्री होईल? याची चर्चा सुरु झाली. पंतप्रधान नरेंद्र मोदी आणि अमित शाह यांनी महाराष्ट्रातील सभेत देवेंद्र फडणवीस मुख्यमंत्री होतील, असे सुतोवाच दिले होते. मुख्यमंत्रीपदाच्या शर्यतीत नसल्याचे मोठं वक्तव्य माजी मुख्यमंत्री देवेंद्र फडणवीस यांनी केलेय. त्यांच्या वक्तव्याची राजकीय चर्चा सुरु आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.