प्रसिद्ध राजकीय रणनितीकार प्रशांत किशोर यांनी यंदाच्या लोकसभा निवडणुकीच्या निकालाबाबत काही भाकीतं वर्तवलीयेत. किशोर यांनी गेल्या अनेक निवडणुकांबाबत अंदाज वर्तवले आहेत आणि ते बहुतांशी खरे ठरले आहेत. त्यामुळे त्यांच्या या भाकिताबाबतही मोठी चर्चा रंगलीय.
“लोकसभा निवडणुकीत भाजपाकडून 400 पारचा नारा दिला जात आहे. पण प्रत्यक्षात भाजपाला 300 जागा मिळतील, पंतप्रधान नरेंद्र मोदी यांच्याविरोधात राग नाही. मात्र भाजपाला स्वबळावर 370 जागा मिळणं अशक्य आहे. त्यांना जवळपास 300 जागा मिळतील मात्र 270 च्या खाली सुद्धा जाणार नाहीत”, असं भाकीत प्रशांत किशोर यांनी वर्तवलंय.
प्रशांत किशोर यांनी अनेक पक्षांसाठी विधानसभा, लोकसभेला राजकीय व्युहरचना आखण्यात महत्त्वाची भूमिका बजावली आहे. त्यांनी महाराष्ट्राच्या निकालांबाबतही अंदाज व्यक्त केले आहेत. राज्यातील स्थितीबाबत किशोर यांनी काय भाकित केलंय जाणून घेऊ...
महाराष्ट्रात 20 ते 25 जागा जिंकू असा विश्वास मविआला आहे. मविआनं 25 जागा जिंकल्या तरी भाजपचं काहीही नुकसान होणार नसल्याचं किशोर यांचं म्हणणंय. सध्या महाराष्ट्रात 48 पैकी केवळ 23 जागा भाजपकडे आहेत. अशा स्थितीत विरोध वाढूनही भाजपचे नुकसान नाही', असंही ते म्हणाले.
देशातील लोकसभा निवडणुका शेवटच्या टप्प्यात पोहचल्या आहेत..भाजपप्रणीत राष्ट्रीय लोकशाही आघाडी आणि काँग्रेस प्रणीत इंडिया आघाडीमध्ये मुख्य सामना आहे. आतापर्यंत झालेल्या मतदानानंतर दोन्ही बाजूकडून विजयाचे दावे-प्रतिदावे करण्यात येतायत. त्यामुळे प्रशांत किशोर यांनी केलेली राजकीय भविष्यवाणी कितपत खरी ठरते याची उत्सुकता आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.