Maharashtra Lok Sabha:
>> रोहिदास गाडगे
आज उपमुख्यमंत्री अजित पवार यांची पुण्यातील घोडेगाव येथे सभा पार पडली. यावेळी अजित पवार यांचं भाषण सुरू असतानाच एक व्यक्ती उठला आणि त्याने शरद पवार यांच्या नावाने घोषणाबाजी सुरू केली. यावर अजित पवार चांगलेच संतापल्याचं पाहायला मिळालं.
यावेळी व्यासपीठावरून अजित पवार म्हणाले की, ''तुम्हाला कोणीतरी सांगितल्याचं दिसतंय, जाऊन तिथे.. असं बोला, आम्ही काम करायला आलोय गप्पा मारायला नाही.'' अजित पवार असं म्हणाल्या नंतर शरद पवार यांच्या नावाने घोषणाबाजी करणारा व्यक्ती तिथून निघून गेला.
दरम्यान, यासाबेत अजित पवार यांनी पुन्हा एकदा शरद पवार गटाचे नेते अमोल कोल्हे यांना लक्ष्य केलं आहे. ते म्हणाले आहेत की, ''अमोल कोल्हे आव्हान देत असतील तर त्यांचे काम करतात, पण मी कामाचा माणूस आहे. आव्हान देणाऱ्यांना महत्त्व देत नाही. जो मला आव्हान देतोय, त्याला मीच खासदारकीचे तिकीट देऊन निवडूनही आणलं. मात्र होत ठिक आहे, दिवस बदलत असतात. त्यांना करायचे ते करू द्या.''
ते म्हणाले, ''अमोल कोल्हेंनी जनसंपर्क ठेवला नाही. राजीनामा देणार होते. असा काय चमत्कार घडला, माहित नाही. अभिनेता आहे, अभिनय क्षेत्रातले असल्याने खासदार म्हणून काम करणं अशक्य असल्याची भुमिका कोल्हेंची होती.''
लोकसभा निवडणुकीनंतर शरद पवार गट काँग्रेसमध्ये विलीन होणार, अशी चर्चा सध्या राजकीय वर्तुळात आहे. यावर बोलताना अजित पावर म्हणाले की, ''लोकसभा निवडणुकीनंतर प्रादेशिक पक्ष काँग्रेसमध्ये विलीन होणार असल्याचे विधान शरद पवारांनी केलं. मात्र हे त्यांचे वैयक्तिक असेल. त्यांच्या पक्षाबद्दल त्यांनी काय विचार करावा, हा त्यांचा वैयक्तिक प्रश्न आहे.''
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
