- सागर निकवाडे
नंदुरबार लोकसभा निवडणुकीसाठी भाजप आणि काँग्रेसने त्यांचे उमेदवार जाहीर केले. त्यापाठाेपाठ आता भारत आदिवासी पार्टीने देखील निवडणुकीच्या रिंगणात एन्ट्री केली आहे. भारत आदिवासी पार्टीने रवींद्र वडवी यांच्या उमेदवारीची घोषणा केल्याने निवडणुकीची चूरस वाढली आहे. (Maharashtra News)
नंदुरबार मध्ये पत्रकार परिषद घेत ओबीसी राजकीय आघाडी तर्फे रवींद्र वडवी यांना पाठिंबा देण्यात आला. खोटे कुणबी प्रमाणपत्र रद्द करून ओबीसी आरक्षण वाचवण्यासाठी आदिवासींचे जल जंगल आणि जमीनचे अधिकार मजबूत करण्यासाठी आणि इतर आदिवासींचे प्रश्न सोडवण्यासाठी भारत आदिवासी पार्टी ही लोकसभा निवडणूक लढणार असल्याची माहिती उमेदवार रवींद्र वडवी यांनी दिली.
भारत आदिवासी पार्टीच्या एन्ट्रीने नंदुरबार लोकसभा निवडणुकीची चुरस वाढली आहे. भारत आदिवासी पार्टीचे उमेदवार रवींद्र वडवी यांनी आदिवासींचे प्रश्न साेडविण्यासाठी केलेले प्रयत्न आणि भविष्यात काय करणार याची माहिती पत्रकारांना दिली. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
प्रशासनही सज्ज
दरम्यान नंदुरबार जिल्ह्यात लोकसभा निवडणुकीची आचारसंहिता सुरू आहे. त्यासाठी जिल्हाधिकारी कार्यालयात स्वतंत्र आचारसंहिता कक्ष स्थापन करण्यात आला आहे अशी माहिती जिल्हाधिकारी तथा निवडणूक निर्णय अधिकारी मनीषा खत्री यांनी दिली आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
