Ratnagiri Sindhudurg Constituency: नारायण राणेंचा कोकणात झंझावात, विनायक राऊतांना अर्ध्या गाड्या मुंबईतून आणाव्या लागल्या : निलेश राणे

Nilesh Rane :

रत्नागिरी सिंधुदूर्ग लाेकसभा मतदारसंघात (ratnagiri sindhudurg lok sabha constituency) महायुतीचा उमेदवार माेठ्या मताधिक्याने निवडून येणार हे निश्चित आहे. नारायण राणे यांचा मतदारसंघात महिनाभर झंजावात सुरू आहे. राणे यांच्या सभेला मोठ्या प्रतिसाद मिळत आहे असा विश्वास माजी खासदार निलेश राणे यांनी व्यक्त केला. या मतदारसंघात उद्धव बाळासाहेब ठाकरे यांची शिवसेना नावाला सुद्धा शिल्लक नसल्याची टीका निलेश राणेंनी केली. (Maharashtra Lok Sabha Election News in Marathi)

निलेश राणे म्हणाले विनायक राऊत यांचे शक्तिप्रदर्शन म्हणजे काय बाराशे लोक इतकेच. एक काळ होता शिवसेनेचा ज्यावेळेला मैदान भरत होते पण आता ठाकरे गटाला अंगण सुद्धा भरत नाही. विनायक राऊत यांच्या उमेदवारी अर्ज भरताना अर्ध्या गाड्या या मुंबईतून आणल्या गेल्या होत्या असा दावा राणेंनी केला.

दरम्यान वैभव नाईक यांच्यावर टीका करताना निलेश राणे म्हणाले वैभव नाईक सारख्या रिकामटेकडा आमदार महाराष्ट्रात नाही. ते काय बोलतात याला आम्ही काडीची किंमत देत नाही. वैभव नाईक यांच्या विरोधात बोलणं म्हणजे आमचा वेळ घालविण्यासारखे आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

दरम्यान महायुतीमधील वरिष्ठ आम्हाला जे सांगतील त्या पद्धतीने आम्ही पावलं उचलू असेही रत्नागिरी सिंधुदूर्ग मतदारसंघातील उमेदवारीवरुन राणेंनी स्पष्ट केले.

Edited By : Siddharth Latkar