Nashik Loksabha: नाशिकमध्ये मराठा समाजाची महाविकास आघाडीला साथ! २ उमेदवारांना पाठिंबा जाहीर; महायुतीचं टेन्शन वाढणार?

Nashik Loksabha Constituency News: सभेच्या आधीच महायुतीला मोठा धक्का बसला असून मराठा समाजाकडून नाशिकसह दिंडोरी लोकसभेच्या महाविकास आघाडीच्या उमेदवारांना पाठिंबा जाहीर करण्यात आला आहे.
Manoj Jarange Patil
Manoj Jarange PatilSaam TV

नाशिक, ता. १६ मे २०२४

लोकसभेचे उमेदवार हेमंत गोडसे यांच्या प्रचारासाठी मुख्यमंत्री एकनाथ शिंदे आज नाशिक दौऱ्यावर येत आहेत. नाशिकमध्ये मुख्यमंत्र्यांचा भव्य रोड शो आणि प्रचारसभा होणार आहे. मात्र या सभेच्या आधीच महायुतीला मोठा धक्का बसला असून मराठा समाजाकडून नाशिकसह दिंडोरी लोकसभेच्या महाविकास आघाडीच्या उमेदवारांना पाठिंबा जाहीर करण्यात आला आहे.

नाशिक जिल्हा मराठा क्रांती मोर्चाच्या पदाधिकाऱ्यांनी पत्रकार परिषद घेत नाशिक आणि दिंडोरी लोकसभा मतदारसंघातील महाविकास आघाडीच्या उमेदवारांना पाठिंबा जाहीर केला आहे. नाशिक लोकसभा मतदारसंघातून राजाभाऊ वाजे तर दिंडोरी लोकसभा मतदारसंघातून भास्कर भगरे यांना पाठिंबा जाहीर केला आहे.

मराठा आरक्षणाचे नेते मनोज जरांगे पाटील यांनी मराठा समाजावर अन्याय करणाऱ्या, मराठा समाजाच्या मागण्यांना पाठिंबा न देणाऱ्यांना पाडण्याच्या सुचना दिल्या होत्या. त्यांच्या सूचनेनुसार राजाभाऊ वाजे आणि भास्कर भगरे यांना पाठिंबा देत असल्याचं मराठा क्रांती मोर्चाच्या पदाधिकाऱ्यांनी स्पष्ट केले.

Manoj Jarange Patil
Sharad Pawar: मुंबईत 'रोड शो' शहाणपणाचे लक्षण नाही; शरद पवारांचे PM मोदींवर टीकास्त्र; राज ठाकरेंनाही टोला!

दरम्यान, लोकसभेची उमेदवारी अर्ज दाखल केल्यानंतर आपल्याला पंतप्रधान नरेंद्र मोदी यांच्याकडून भेटीचे आमंत्रण देण्यात आले होते, असा मोठा दावा अपक्ष उमेदवार शांतिगिरी महाराजांनी केला आहे. गिरीश महाजनकडून मोदी भेटीचं निमंत्रण देण्यात आले होते. मात्र मतदार संघात फिरत असल्यामुळे मोदींची भेट घेऊ शकलो नाही, तसेच भेट घेतली तरी माघार घेणार नसल्याचे मी सांगितले होते, असेही शांतिगिरी महाराजांनी सांगितले.

Manoj Jarange Patil
Kolhapur Airport News: पायलटची ड्युटी संपली, कंपनीने विमानच रद्द केले; प्रवाशांचे हालच हाल

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com