मनोज जरांगे पाटील हे येत्या 8 जूनपासून उपोषणास बसणार आहेत. यादरम्यान त्यांच्या पाठिशी पूर्ण ताकदीने सक्रिय राहण्याचा शब्द बीडचे नवनिर्वाचित खासदार बजरंग साेनवणे यांनी मनाेज जरांगे पाटील यांची अंतरवाली सराटी येथे भेट घेतल्यानंतर दिला. दरम्यान जरांगे पाटील यांनी साेनवणे यांचे खासदार झाल्याबद्दल शाल देऊन अभिनंदन केले.
माझ्या विजयात जरांगे फॅक्टर चालला अशी भावना बजरंग सोनवणे यांनी बीड लोकसभा निवडणुकीत अटीतटीच्या लढतीत पंकजा मुंडे यांच्या विराेधात विजय मिळविलेल्या बजरंग सोनवणे यांनी रात्रीतच अंतरवाली सराटी गाठले. तेथे खासदार साेनवणे यांनी मनोज जरांगे पाटील यांची भेट घेतली. मनोज जरांगे यांनी बजरंग सोनवणे यांचे खासदार झाल्याबद्दल स्वागत करत त्यांचा सत्कार केला.
खासदार साेनवणे यांनी जरांगेंना प्रकृतीची काळजी घ्यावी अशी विनंती केली. न्यायहक्काच्या लढाईत सोबत असल्याची ग्वाही दिली. तसेच 8 जूनपासून जरांगेंच्या उपोषणास पूर्ण ताकदीने सक्रिय राहण्याचा शब्द दिला. दरम्यान जरांगे आणि साेनवणे यांच्या भेटीमुळे राजकीय वर्तुळात चर्चांना उधाण आले आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.