पुणे लोकसभा मतदारसंघातून वंचित बहुजन आघाडीने वसंत मोरे यांना निवडणुकीच्या रिंगणात उतरवलं आहे. मनसेला सोडचिठ्ठी दिल्यानंतर राज ठाकरेंसोबत त्यांचं पुन्हा जमेल की नाही अशी चर्चा होती. दरम्यान वसंत मोरे यांनी आजही आपली निष्ठा राज ठाकरेंसोबत असल्याचं दाखवून दिलं आहे. शर्मिला ठाकरे या मला मातोश्री समान आहेत. त्यामुळे पुण्यात निवडून आल्यानंतर त्यांचे आशीर्वाद घेण्यासाठी नक्की जाणार असं त्यांनी पत्रकारांशी बोलताना म्हटलं आहे.
मनसेला सोडचिठ्ठी दिल्यानंतर वसंत मोरेंनी वंचित बहुजन आघाडीतून पुणे लोकसभा लढण्याचा निर्णय घेतला आहे. आज त्यांनी पत्रकारांशी संवाद साधला. मनसे पक्ष सोडल्यानंतर माझ्या विचारांशी मी ठाम आहे. रात्री उशिरा मी राज ठाकरेंची सभा पाहिली. उमेदवारी जाहीर झाल्यापासून मी इतर पक्षांचा विचार सोडला. मी माझ्या भूमिकेवर ठाम आहे. मी घेतलेली भूमिका योग्य की अयोग्य हे 4 जूनला समजेलच, असंही त्यांनी म्हटलं आहे.
रवींद्र धनगेकरांनी काम केलं असेल तर लोक त्यांना मतदान करतील. विकास करणे अशक्य कुठेच नसतं. या शहराचा जेव्हा खासदार होईन तेव्हा संपूर्ण शहराचा विकास करेन. त्यासाठी सहाही विधानसभा मतदारसंघांचा अभ्यास केला आहे. त्यामुळे भाजपने पुणेकरांना गृहीत धरणं बंद करावं, असा टोला लगावला आहे.
राज ठाकरेंनी घेतलेल्या भूमिकेवर मी बोलू शकत नाही. कसबा पॅटर्न पेक्षा विकासाचा कात्रज पॅटर्न पुणे शहरात चालेल. भाजपचं चारशे पारचं स्वप्न स्वप्नच राहणार आहे. निवडणुकीसंदर्भातला माझा फॉर्मुला 30 तारखेनंतर तुम्हाला पाहायला मिळेल. निवडून आलो तर पुणे शहरात आघाडी घेणार. पुणे शहरात ट्राफिक नियोजन करण्यासाठी ट्रॅफिक इंजिनिअर का नाही.पुणे शहरात सगळ्यात मोठा प्रश्न वाहतुकीचा, पाण्याचा, कचऱ्याचा आहे. शहराचा विकासाची ब्लू प्रिंट माझ्याकडे तयार आहे. वंचित बहुजन आघाडीच्या माध्यमातून दिल्लीला जाणार आहे. निवडून आल्यानंतर शर्मिला ठाकरेंचा आशीर्वाद घेणार असल्याचं त्यांनी सांगितलं.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.