Maharashtra Politics 2024 : ...म्हणून नरेंद्र मोदी उद्धव ठाकरे यांना फोन करायचे: देवेंद्र फडणवीस यांनी सांगितलं त्या घटनेमागचं सत्य

राजकारणात पक्ष वेगवेगळे असू शकतात मात्र अडचणीच्या काळात आजारपणाच्या काळात विचारपूस करणे मदत करणे ही आपली संस्कृती आहे. देशाचे पंतप्रधान नरेंद्र मोदी याची नेहमी काळजी घेतात. त्यामुळेच उद्धव ठाकरे आजारी असताना नरेंद्र मोदींनी फोन करून त्यांची विचारपूस केली होती, अशी माहिती देवेंद्र फडणवीस यांनी दिली. महायुतीचे कोल्हापूरमधील उमेदवार संजय मंडलीक यांच्या प्रचार्थ कोल्हापूरमधील चंदगडमध्ये सभा पार पडली. यावेळी ते बोलत होते.

देशातील जनतेने नरेंद्र मोदी यांना पंतप्रधान बनवण्याच्या निर्धार केला आहे. त्यामुळे संजय मंडलिक यांना खासदार बनवण्याचं नागरिकांनी ठरवलं आहे. देशासमोर नाही तर विरोधकांसमोर नरेंद्र मोदी संकट आहेत. अजित पवार आमच्या सोबत आहेत. त्यामुळे नक्कीच शरद पवार यांच्यासमोर नरेंद्र मोदी यांचं संकट आहे. जनता याचं उत्तर मतपेटीतून देईल.

संभाजीराजे यांचा राज्यसभेच्या निवडणुकी वेळी अवमान केला. भाजीराजे यांना अटी आणि नियम घालून लिहून घेणे हे चुकीचे. एकीकडे छत्रपती घराण्याचा सन्मान दाखवायचा आणि दुसरीकडे असे लिहून घेणे हे चुकीचं असल्याची टीका त्यांनी केली.

ही निवडणूक महत्वाची आहे. पुढील 5 वर्षे देश कोणाच्या हातात सुरक्षित राहणार हे ठरवणारी ही निवडणूक आहे. पर्याय 2 आहेत 1 मोदी जी आहे, वेगवेगळे पक्ष एकत्र करून आपण महायुती केली आहे. तर दुसरीकडे राहुल गांधी यांच्या कडे 26 पक्षाचे खिचडी आहे. मोदी यांची विकासाची गाडी आहे तर राहुल गांधी यांच्याकडे इंजिन आहे पण डब्बे नाही आहेत.