बीडमधील राष्ट्रवादी काँग्रेसचे नेते बजरंण सोनवणे यांनी प्राथमिक सदस्यत्त्वाचा राजीनामा दिल्यानंतर ते शरद पवार गटात प्रवेश करणार असल्याच्या चर्चा होत्या. अखेर उपेक्षेप्रमाणे त्यांनी आज शरद पावर यांच्या उपस्थितीत पक्षात प्रवेश केला. अजित पवार गटाला हा मोठा धक्का मानला जात आहे. दरम्यान शरद पवार यांनी बीडमधून लोकसभा निवडणूक लढवण्यासाठी अनेक जण इच्छुक असल्याचं म्हटलं आहे. त्यामुळे बीडमध्ये उमेदवारीची चर्चा शिगेला पोहचली असून राजकीय वातावरणही तापलं आहे.
बीड जिल्ह्यातील प्रमुख नेते पदाधिकारी अनेक वर्ष आपल्या सोबत काम करत होते. मागच्या निवडणुकीत त्यांना संधी दिली,चांगली मत मिळाली. काही लहानसहान प्रसंगामुळे ते येत नव्हते,आम्ही आग्रह केला आणि आले. निवडणुका जाहीर झाल्या आहेत,अजून बीड बाबत एक महिना काम करण्यास वेळ आहे. अनेकांची इच्छा आहे लोकसभा लढवण्याची, अनेक जण भेटीगाठी येत आहेत. जयसिंगराव गायकवाड घरात न थांबता काम करत आहेत. मात्र पक्षाची वरिष्ठ बैठक होईल त्यात लोकसभेबाबत निर्णय होईल, असं शरद पवार यांनी म्हटलं आहे.
('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
पक्षनिर्णय आम्हाला मान्य असेल असं सोनवणे यांनी सागितलं याचा आनंद आहे. अनेक लोक बीड मधील देशाच्या संसदेत गेले आहेत. बबनराव ढाकणे आता हयात नाहीत, नगर जिल्हातील पण बीडमध्ये गेले आणि निवडून आले. बीड जिल्ह्यात गेले आणि १९८० ला सगळे माझे आमदार निवडून दिले, असा आठवणींना उजाळाही त्यांनी यावेळी दिला.
बीडमधील कार्यकर्त्यांची आठ-दहा दिवसांपूर्वी बैठक घेतली होती. त्यात कार्यकर्त्यांनी बऱ्याच शरद पवार यांच्या नेतृत्वात काम करण्याची इच्छा बोलून दाखवली होती. सर्व कार्यकर्त्यांचं म्हणणं होतं राजकारणात जो सन्मान आपल्याला पाहिजे तो सन्मान मिळत नाही. या सन्मानाच्या दृष्टीकोनातून कार्यकर्त्यांची तळमळ होत होती. बीड जिल्ह्यातून मला 5 लाख पेक्षा जास्त नागरिकांनी मतदान केलं. या नागरिकांचा सन्मान आणि स्वाभिमान राखण्यासाठी शरद पवार गटात प्रवेश केला आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
