Lok Sabha Election: पहिल्या दोन टप्प्यात भाजपला कमी मतदान? प्रचारासाठी आता BJP ने तयार केला नवीन गेम प्लॅन?

Lok Sabha Election 2024: अबकी बार 400 पारचा नारा देणाऱ्या भाजपची चिंता चांगलीच वाढलीय. लोकसभा निवडणुकीच्या पहिल्या दोन टप्प्यात कमी मतदान झाल्यामुळे भाजपला 400चा आकडा गाठणं अवघड होताना दिसतंय.
Pm Modi and Amit Shah
Pm Modi and Amit ShahSaam tv

Lok Sabha Election 2024:

अबकी बार 400 पारचा नारा देणाऱ्या भाजपची चिंता चांगलीच वाढलीय. लोकसभा निवडणुकीच्या पहिल्या दोन टप्प्यात कमी मतदान झाल्यामुळे भाजपला 400चा आकडा गाठणं अवघड होताना दिसतंय.

2024मध्ये मतदानात घट

2019 च्या निवडणुकीत भाजपने 37.36 टक्के मतदानासह 303 जागा जिंकल्या होत्या. तर संपूर्ण एनडीएला 44.87 टक्के मतांसह 352 जागा मिळाल्या होत्या. 2019च्या तुलनेत 400 चा आकडा पार करण्यासाठी अंदाजे 18 टक्के मतांची वाढ होणं अपेक्षित आहे. मात्र 2019 च्या तुलनेत यंदा पहिल्या दोन टप्प्यांमध्ये अनुक्रमे 3.44 टक्के आणि 2.74 टक्क्यांची घसरण झालीय.

Pm Modi and Amit Shah
Vishal Patil: अल्टिमेटम संपला तरी विशाल पाटील ठाम! काँग्रेस करणार कारवाई?

म्हणूनच आता भाजपने आपल्या प्रचारासाठी नवा मास्टर प्लॅन आखलाय.आता निवडणुकीच्या प्रत्येक टप्प्यात प्रचाराचे वेगळे मुद्दे असणार आहेत. आता भाजपकडून प्रचारासाठी 'सब का साथ, सब का विकास' ऐवजी हिंदू मुस्लीम विषयाला धरून सामाजिक तुष्टीकरणावर जोर दिला जाणार आहे. याशिवाय मतदारांना घराबाहेर काढण्यासाठी भाजपने प्रचाराची नव्याने आखणी केलीय.

भाजपचा नवा गेम प्लॅन?

मतदान वाढविण्यासाठी भाजपने संघटना सक्रिय केल्या आहेत. बूथ कमिटीच्या सदस्यांना घरोघरी मतदानाच्या चिठ्ठया वाटण्याच्या सूचना दिल्या आहेत. मतदारांना घराबाहेर काढून मतदान केंद्रापर्यंत नेण्यासाठी स्वतंत्र तयारी करण्यात आलीय.

Pm Modi and Amit Shah
FACT CHECK: 'साम टीव्ही'चा लोगो वापरून प्रेक्षकांची दिशाभूल! कोल्हापूरमधील व्हायरल व्हिडिओमागचं सत्य नेमकं काय?

दोन टप्प्यांमध्ये मतदान घटल्यामुळे भाजपची चिंता वाढलीय. आता पुढील टप्प्यांचा अंदाज घेत भाजप प्रचाराची रणनीतीत बदल करेल.. मात्र संघटनेच्या जोरावर तिसऱ्या टप्प्यात मतदानाचा टक्का वाढतो का हे पाहणं महत्त्वाचं ठरेल.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com