Loksabha Election: राजकारणात आलं शेण आणि मटन; खाण्या-पिण्यावरुन तापलं निवडणुकीचं वातावरण

Loksabha Election Politics On Mutton :

लोकसभा निवडणुकीचे वारं देशभरात वाहू लागलंय. साधारण बेरोजगारी, महागाई, शिक्षा, आरोग्य, शेतकरी आत्महत्या असा निवडणुकीच्या प्रचाराचा झंझावत सुरूय. मासे, शेण आणि मटण इथपर्यंत पोहोचलाय. विरोधक श्रावणात मटण खात असल्याची टीका देशाचे सर्वोच्च नेते पंतप्रधान मोदी यांनी राहुल गांधी आणि लालू यादव यांच्यावर केलीय. (Latest News)

दरम्यान पंतप्रधान मोदींनी देशातील ज्वलंत मुद्दे सोडून मटणाच्या मुद्द्यावर ताव का मारलाय. याचं कारण आहे बिहारचे माजी मुख्यमंत्री लालू प्रसाद यादव आणि राहुल गांधी यांचा मटन खाण्याचा व्हिडिओ. याच व्हिडिओवरून मोदींनी निशाणा साधला आणि राजकारण तापलं. यानंतर संजय राऊतांनी खास आपल्या शैलीत भाजपचा समाचार घेतलाय. दरम्यान मोदींच्या टीकेनंतर तेजस्वी यादव यांनी स्पष्टीकरण दिलंय. तो व्हिडिओ श्रावणातला नसल्याचं तेजस्वी यादव यांनी म्हटलंय.

भाजपने निवडणुकीच्या तोंडावर राम मंदिराचं उद्घाटन केलं. यावरून निवडणूक प्रचारात धार्मिक मुद्दे अजेंड्यावर असणार हे आधीच स्पष्ट झालं होतं. आता मोदींनी धार्मिक आस्थेवरून विरोधकांना डिवचणं कितपत फायदेशीर ठरणार हे पाहणं महत्त्वाचं ठरेल.