Lok Sabha Election Result 2024
Lok Sabha Election Result 2024Saam Digital

Lok Sabha Election Result 2024 : मराठवाड्यात मराठा आरक्षणाची धग; महायुतीची दाणादाण, 8 पैकी केवळ 2 जागांवर विजय

Marathwada Lok Sabha Election Result 2024 : लोकसभा निवडणुकीत मविआनं मराठवाडा आणि विदर्भात चांगली कामगिरी केली आहे. मराठा आंदोलनाची धग असलेल्या मराठवाड्यात मविआनं सहा जागा जिंकल्या आहेत.

गिरीश निकम, साम टीव्ही प्रतिनिधी

लोकसभा निवडणुकीत मविआनं मराठवाडा आणि विदर्भात चांगली कामगिरी केली आहे. मराठा आंदोलनाची धग असलेल्या मराठवाड्यात मविआनं सहा जागा जिंकल्या आहेत. महायुतीला मोठा फटका बसला आहे. पाहूया एक रिपोर्ट.

लोकसभा निवडणुकांची रणधुमाळी सुरु असतानाच महाराष्ट्रात मराठा आरक्षणाच्या मुद्यावरून मराठा आंदोलक मनोज जरांगे यांनी महायुतीच्या सरकारला जेरीस आणलं होतं. जरांगेंच्या मागणीमुळे मराठा आणि ओबीसींमध्ये संघर्षाची परिस्थिती निर्माण झाली होती. याचाच मराठवाड्यातील संभाजीनगर, जालना, बीड या जिल्ह्यात आंदोलनाची धग मोठी होती. जरांगेंचा रोष देवेंद्र फडणवीस यांच्यावर आहे. आरक्षणाच्या आड येणा-याला पाडा असं वक्तव्य जरांगेंनी केलं होतं. लोकसभा निवडणुकीत मराठा आंदोलनाचा फटका सत्ताधारी महायुतीला बसल्याचं मानलं जातंय. मराठवाड्यातील लोकसभेच्या आठ जागांपैकी महायुतीनं सहा जागा गमावल्या आहेत.

महायुतीला मराठा आरक्षणाची धग

जालना - रावसाहेब दानवे (भाजप) - पराभूत

धाराशीव - अर्चना पाटील (अजित पवार गट) - पराभूत

लातूर - सुधाकर शृंगारे (भाजप) - पराभूत

नांदेड - प्रताप पाटील चिखलीकर (भाजप) - पराभूत

परभणी- महादेव जानकर (रासप) - पराभूत

हिंगोली - बाबुराव कोहळीकर (शिंदे गट) - पराभूत

बीड - पंकजा मुंडे (भाजप) - विजयी

औरंगाबाद - संदिपान भुमरे (शिंदे गट) - विजयी

Lok Sabha Election Result 2024
Beed Lok Sabha Election Result : मोठी बातमी! बीडमध्ये पंकजा मुंडेंना धक्का; बजरंग सोनवणे 6585 मतांनी विजयी

मराठवाड्यातील मतदानानंतर खुद्द अजित पवारांनी या निवडणुकीत जातीपातीवर मतदान झाल्याचं वक्तव्य केलं होतं. बीड, जालना, परभणीत मराठे आणि मराठेत्तर असं उघडपणे गट पडल्याचं सांगितलं होतं. त्याचा प्रत्यय या निकालात आलाय. लोकसभेच्या निकालाचे पडसाद आगामी विधानसभा निवडणुकीत उमेटणार नाहीत यासाठी भाजप आणि महायुतीला अधिक खबरदारी घ्यावी लागणार यात शंका नाही.,

Lok Sabha Election Result 2024
Uddhav Thackeray On Lok Sabha Result : सत्तास्थापनेचा दावा करणार; लोकसभेच्या निकालावर उद्धव ठाकरेंची पहिली प्रतिक्रिया

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Marathi News Saam TV
saamtv.esakal.com