Vijender Singh Joins BJP: काँग्रेसला धक्का! बॉक्सर विजेंदर सिंगचा भाजपमध्ये प्रवेश; लोकसभेच्या रिंगणात उतरणार?

Boxer Vijender Singh Joins BJP:

लोकसभा निवडणुकींची रणधुमाळी सुरू असतानाच काँग्रेसला मोठा धक्का बसला आहे. काँग्रेसकडून 2019 मध्ये दक्षिण दिल्ली लोकसभा मतदारसंघातून निवडणूक लढवणारे बॉक्सर विजेंदर सिंग यांनी भाजपमध्ये प्रवेश केला आहे. विजेंदर सिंगला काँग्रेसकडून उमेदवारी मिळण्याची शक्यता होती. त्याआधीच त्यांनी पक्षाला रामराम ठोकला आहे.

बॉक्सिंगमधून राजकारणात प्रवेश करणाऱ्या विजेंदर सिंगने काँग्रेसला सोडचिठ्ठी दिली आहे. आज विजेंदर सिंगने भाजपमध्ये प्रवेश केला. नवी दिल्लीतील भाजप मुख्यालयात हा पक्षप्रवेश सोहळा पार पडला. विजेंदर सिंहने 2019 मध्ये काँग्रेसच्या तिकिटावर लोकसभा निवडणूक लढवली होती. मात्र या निवडणुकीत त्याला पराभवाला सामोरे जावे लागले. काँग्रेसने त्यांना दक्षिण दिल्लीतून उमेदवारी दिली होती.

लोकसभा निवडणुकीच्या आधी काँग्रेससाठी मोठा धक्का आहे कारण हेमा मालिनी यांच्याविरोधात विजेंदर सिंग मथुरा लोकसभा मतदारसंघातून काँग्रेस पक्षाचे उमेदवार असू शकतात, असे मानले जात होते. त्याआधीच त्यांनी पक्षाला रामराम ठोकत भाजपचे कमळ हाती घेतले आहे.

 ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

दरम्यान, 2008 मध्ये बीजिंग ऑलिम्पिकमध्ये कांस्यपदक जिंकून बॉक्सर विजेंदर सिंगने इतिहास रचला होता. या खेळांमध्ये पदक जिंकणारा तो पहिला भारतीय बॉक्सर होता. बीजिंग ऑलिम्पिकमध्ये पदक जिंकणारा विजेंदर हा दुसरा भारतीय खेळाडू होता. 2009 मध्ये त्यांना खेलरत्नने सन्मानित करण्यात आले. (Loksabha Election 2024)