Vat Purnima 2023 : यंदा वटपौर्णिमा कधी आहे ? जाणून घ्या महत्त्व व शुभ मुहूर्त

Vat Purnima 2023 Date : ज्येष्ठ पौर्णिमा ही वटपौर्णिमा म्हणून ओळखली जाते. यंदा ही वटपौर्णिमा ३ जूनला आहे. यादिवशी सुवासिनी महिला वडाच्या झाडाची पूजा करुन आपल्या पतीच्या दिर्घायुष्यासाठी प्रार्थाना करतात.

वटपौर्णिमा हा महाराष्ट्र (Maharashtra), कर्नाटक, उत्तर प्रदेश, बिहार, पंजाब, गुजरात इत्यादी देशातील विविध राज्यांमध्ये साजरा केला जाणारा पारंपरिक सण आहे. उत्तर भारतात भाविक ज्येष्ठ अमावस्येला उपवास करतात, तर दक्षिण भारतात लोक ज्येष्ठ पौर्णिमा किंवा पौर्णिमेच्या दिवशी उपवास (Fast) करतात.

वटपौर्णिमा व्रतामध्ये विवाहित स्त्रिया (Women) उपवासासह वट सावित्री व्रताची कथा ऐकतात आणि त्यानंतर त्या वटवृक्षाची विधीपूर्वक पूजा करतात. यंदा वटपौर्णिमेला 3 शुभ योग तयार होत आहेत. जाणून घेऊया वटपौर्णिमेची तिथी, पूजा मुहूर्त व शुभ योगांबद्दल

1. तिथी

3 जूनला सकाळी 11.16 मिनिटांनी वटपौर्णिमा तिथी सुरु होत आहे तर 4 जून, रविवार, 09:11 वाजता ती संपते

2. पूजा मुहूर्त

• 3 जून, शनिवार, सकाळी 07:07 ते 08:51

• दुपारी 12:19 ते 05:31 पर्यंत

• अमृत-उत्तम मुहूर्त

• दुपारी 03:47 ते संध्याकाळी 05:31

3. वट सावित्री पौर्णिमेला 3 शुभ योग

• वट सावित्री पौर्णिमेच्या दिवशी म्हणजे 3 जून, शनिवारी तीन शुभ योग तयार होत आहेत.

• शिवयोग : सकाळपासून दुपारी 02:48 पर्यंत.

• सिद्धी योग: दुपारी 02:48 ते संपूर्ण रात्र.

• रवि योग: सकाळी 05:23 ते 06:16 पर्यंत

4. वट सावित्रीचे महत्त्व

असे म्हटले जाते की, ब्रह्मा, विष्णू आणि शिव या तीन देवांचा येथे सहवास असतो. त्यामुळे हिंदू धर्मात खूप महत्त्व आहे. विवाहित स्त्रिया या दिवशी उपवास करतात आणि असे मानले जाते की हे व्रत केल्याने ते आपल्या पतीला सौभाग्य आणि भाग्य मिळवून देतात.

डिस्क्लेमर: सदर लेख फक्त सामान्य माहितीसाठी आहे. याचा आमच्याशी कोणताही संबंध नाही.