Tirupati Balaji Travel : तिरुपती बालाजीला जाण्याचा प्लान करताय? जाणून घ्या दर्शनाची वेळ आणि तिकीट खर्च

Tirupati Balaji Temple Timing :

उन्हाळ्याची सुट्टी किंवा वीकेंडचा प्लान केला जातो. परंतु, नेमके जायचे कुठे हा अनेकांचा प्रश्न असतो. जर तुम्ही देखील देवदर्शनाचा प्लान करत असाल तर तिरुपती बालाजीला जाऊ शकता.

आंध्रप्रदेशातील चित्तूर जिल्ह्यातील तिरुपती बालाजी हे जगातील प्रसिद्ध मंदिरांपैकी एक आहे. या मंदिराशी संबंधित अनेक रहस्य देखील आहे. हे भारतातील सर्वात श्रीमंत आणि प्रसिद्ध मंदिरांपैकी (Temple) एक मानले जाते. येथे जगभरातील लोकांची मंदिराप्रती असलेली श्रद्धा पाहायला मिळते.

वेंकटेश्वर स्वामी हे या मंदिराचे मुख्य देवता आहेत. ज्यांना भगवान विष्णूचा अवतार मानले जाते. जर तुम्ही तिरुपती बालाजी (Tirupati Balaji) मंदिरात जाण्याचा विचार करत असाल तर तुम्हाला तिकीट बुकिंग प्रक्रिया, वेळ (Time) आणि तिकीटांच्या किमतीशी संबंधित गोष्टी माहित असायला हव्या. जाणून घेऊया त्याबद्दल सविस्तर

1. मंदिरात दर्शनाची वेळ

तिरुपती बालाजी मंदिर ब्रह्मोत्सवासारख्या काही विशेष प्रसंगी वगळता वर्षभर भक्तांसाठी खुले असते. मंदिरात दर्शन घेण्याची वेळ ही सकाळी३ ते दुपारी १.३० पर्यंत नंतर दुपारी २.३० ते रात्री ९.३० पर्यंत आहे. हे मंदिर शुक्रवार आणि शनिवारी २४ तास भाविकांसाठी उघडे असते. परंतु, मंदिराच्या आत वेगवेगळ्या विधींमुळे वेळ बदलू शकते.

2. तिकीटाची किंमत

तिरुपती बालाजी मंदिरातील दर्शनासाठी तिकीटाची किंमत दर्शनाच्या प्रकारानुसार बदलते. तसेच साधारणत: व्हीआयपी दर्शनासाठी ३०० रुपये मोजावे लागतील. यासाठी तुम्हाला ५० रुपयांमध्ये सामान्य तिकीट मिळेल.

3. मंदिराशी निगडीत रहस्य

बालाजी मंदिर अतिशय प्रसिद्ध आहे. तसेच याविषयी अधिक रहस्ये आहेत. असे मानले जाते की, मंदिराचा इतिहास ९ व्या शतकापासून सुरु होतो. श्री वेंकटेश्वराचे हे पवित्र आणि प्राचीन मंदिर वेंकटद्री नावाच्या पर्वताच्या सातव्या शिखरावर वसलेले आहे.