उन्हाळा म्हणजे सूर्यप्रकाश, बाहेरची कामे आणि वाढलेले तापमान. परंतु ते डोळ्यांच्या आरोग्यासाठी अनोखी आव्हाने देखील निर्माण करू शकते. उन्हाळ्यात येणाऱ्या डोळ्यांच्या पाच सामान्य समस्या तुमची दृष्टी सुरक्षित ठेवण्यासाठी त्यांच्याकडे लक्ष देणे आवश्यक आहे.
ओजस मॅक्सिव्हिजन आय हॉस्पिटल्सच्या सल्लागार नेत्रतज्ज्ञ लासिक आणि कॅटरॅक्ट सर्जन डॉ. अंकिता मुलचंदानी यांनी सांगिललं की, उष्ण, कोरडे हवामान आणि एअर कंडिशनिंगमुळे तुमच्या डोळ्यांमधील ओलावा कमी होऊन जळजळ, लालसरपणा आणि शुष्कपणा निर्माण होऊ शकते. हे टाळण्यासाठी, वाऱ्याचा संपर्क कमी करण्यासाठी लुब्रिकेटिंग आय ड्रॉप्स वापरा आणि रॅप-अराउंड सनग्लासेस घाला.
अल्ट्राव्हायोलेट (युव्ही) किरणांच्या संपर्कात दीर्घकाळ राहिल्याने तुमच्या डोळ्यांना हानी होऊन कालांतराने मोतीबिंदू आणि मॅक्युलर डीजनरेशन सारख्या समस्या उद्भवू शकतात. युव्हीए आणि युव्हीबी किरणांपासून 100% संरक्षण करणारे गॉगल्स वापरा तसेच अतिरिक्त संरक्षणासाठी रुंद काठाची टोपी वापरा.
तलावातील क्लोरीनयुक्त पाण्याचा डोळ्यांना त्रास होऊ शकतो, ते नॅचरल टीअर फिल्म काढून टाकू शकते ज्यामुळे लालसरपणा, खाज सुटणे आणि अस्वस्थता निर्माण करू शकते. स्विम गॉगल घालल्याने क्लोरीन आणि इतर पूल रसायनांचा थेट संपर्क टाळता येतो.
उबदार वातावरणात बॅक्टेरिया आणि विषाणू वाढतात आणि एकमेकांचे टॉवेल वापरल्याने किंवा न धुतलेल्या हातांनी डोळ्यांना स्पर्श केल्याने कंजंक्टीव्हायटीस (गुलाबी डोळा) सारखे संसर्ग होऊ शकतात. स्वच्छता पाळा आणि एकमेकांच्या वस्तु वापरणे टाळा.
उन्हाळ्यात परागकणांचे प्रमाण वाढते, ज्यामुळे डोळे पाणावणे लाल होणे किंवा त्यांना खाज सुटणे यासारख्या अ‍ॅलर्जीक प्रतिक्रिया निर्माण होतात. ओव्हर-द-काउंटर मिळणारे अँटीहिस्टामाइन आय ड्रॉप्स आराम देऊ शकतात आणि परागकणांचे प्रमाण जास्त असणाऱ्या वेळेत घरात राहिल्याने त्यांचा संपर्क कमी होण्यास मदत होऊ शकते.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.