Benefits of walking: निरोगी आयुष्याची गुरुकिल्ली मिळाली! दररोज चाला फक्त इतकी पावलं, वजनही होईल कमी

तुम्हाला फीट आणि फाईन राहण्यासाठी एक सोपा व्यायाम म्हणजे पायी चालणं...चालणं ही एक अशी एक्सरसाईज आहे ज्यासाठी तुम्हाला कोणतंही साधन किंवा पैसे लागत नाहीत. केवळ चालणं महत्त्वाचं नसून तुम्ही किती पावलं चालता, किती वेगाने चालता तसंच कोणत्या वेळी चालता हे देखील गरजेचं आहे.

पावलं मोजा

तज्ज्ञांच्या म्हणण्यानुसार, प्रत्येकाने दर दिवशी जवळपास १० हजार पावलं चाललं पाहिजे. ज्यामुळे तुम्ही निरोगी राहू शकता. मात्र दर दिवशी १० हजार पावलं चालणं गरजेचं आहे.

तुम्ही १० हजार पावलं चाललं पाहिजे का?

तुम्हाला दररोज १० हजार पावलं चालणं गरजेचं नाही. २०२५ मध्ये युनिवर्सिटी ऑफ सिडनीमध्ये झालेल्या एका अभ्यासात असं नमूद करण्यात आलंय की, जर तुम्ही दिवसाला ७ हजार पावलं जरी चालत असाल तरी त्याचा फायदा तुम्हाला होईल. कारण ७ हजार पावलं चालणं तुम्हाला १० हजार पावलं चालण्याइतकाच फायदा देतं.

७ हजार पावलंच का चालावीत?

कारण ७ हजार पावलं चालणं जास्त कठीण नाही. शिवाय दररोज ७ हजार पावलं चालल्यामुळे मृत्यूचा धोका थेट 47% कमी होतो. मुख्य म्हणजे १० हजार पावलं चालल्यानंतरही हेच फायदे मिळतात. इतकंच नाही तर डिंमेशियाचा, मधुमेहाचा धोका कमी होतो आणि वजनही कमी होतं.

किती पावलं चालणं योग्य आहे?

ज्या व्यक्ती एक्टिव्ह आहेत त्यांनी १० हजार पावलं चालावं, असं तज्ज्ञांचं मत आहे. तर ७ हजारांपेक्षा जास्त पावलं चालण्याने तुम्हाला फायदा होतो, असंही तज्ज्ञ म्हणतात. विज्ञान सांगतं की, तुम्ही जितके जास्त पावलं चालाल तितका तुम्हाला अधिक फायदा मिळतो.

चालण्याचा वेग महत्त्वाचा

जर तुम्ही चालत असाल तर चालतानाचा वेग फार गरजेचा आहे. वेगाने चालण्याने तुमचं हार्ट चांगलं राहतं शिवाय लठ्ठपणा कमी होतो आणि फॅट्स बर्न होण्यास मदत होते. तुम्ही तुमचा वेग फिटनेस लेवलनुसार बदलू शकता. जर तुम्हाला वजन कमी करायचं असेल तर सकाळी चालणं तुम्हाला फायदा देईल.

डिस्क्लेमर : वरील माहिती आम्ही फक्त वाचक-प्रेक्षकांना देत आहोत. आम्ही याचं समर्थन अथवा दावा करत नाही. कोणतेही उपचार, डाएट आणि औषधं तज्ज्ञांच्या सल्ल्यानंच घ्यावीत.