Happy Teacher's Day : ५ सप्टेंबर ला शिक्षक दिन का साजरा केला जातो?

Happy Teacher's Day : शिक्षक हे आपल्या जीवनातील अभूतपूर्व व महत्त्वाचे स्थान आहे. ते आपल्या आयुष्याला व जीवनाला कलाटणी देतात. त्यांच्यामुळे आपण आपल्याला हव्या असणाऱ्या ध्येयापर्यंत पोहोचू शकतो.

शिकवता शिकवता आभाळाला गवसणी घालण्याचे सामर्थ्य देणारे आदराचे स्थान म्हणजे आपले शिक्षक (Teachers). आपल्या यशाची गुरुकिल्ली असाणाऱ्या शिक्षकांना विनम्र वंदन ! शिक्षकदिनाची सुरुवात कधी झाली व कुणी केली हे जाणून घेऊया.

दरवर्षी, भारत डॉ सर्वपल्ली राधाकृष्णन यांची जयंती त्यांच्या योगदानाला आणि कर्तृत्वाला श्रद्धांजली म्हणून राष्ट्रीय शिक्षक दिन म्हणून साजरा केला जातो. ५ सप्टेंबर १९८८ रोजी जन्मलेले डॉ. राधाकृष्णन यांनी केवळ भारताचे राष्ट्रपती म्हणून काम केले नाही तर ते एक विद्वान, तत्त्वज्ञ आणि भारतरत्न पुरस्कारप्राप्त देखील होते.

एका गरीब तेलुगू ब्राह्मण कुटुंबात जन्मलेल्या राधाकृष्णन यांनी शिष्यवृत्तीद्वारे त्यांचे संपूर्ण शिक्षण पूर्ण केले. त्यांनी तत्त्वज्ञानात पदव्युत्तर पदवी घेतली आणि १९१७ मध्ये 'द फिलॉसॉफी ऑफ रवींद्रनाथ टागोर' हे पुस्तक लिहिले. त्यांनी १९३१ ते १९३६ पर्यंत आंध्र विद्यापीठाचे कुलगुरू आणि १९३९ मध्ये बनारस हिंदू विद्यापीठाचे (BHU) कुलगुरू म्हणूनही काम केले.

चेन्नईच्या प्रेसिडेन्सी कॉलेज आणि कलकत्ता विद्यापीठातही त्यांनी शिकवले. १९३१ मध्ये, त्यांना भारतरत्न - १९५४ मध्ये भारतातील सर्वोच्च नागरी पुरस्काराने सन्मानित करण्यात आले. १९६३ मध्ये त्यांना ब्रिटिश रॉयल ऑर्डर ऑफ मेरिटचे मानद सदस्य म्हणून दाखल करण्यात आले.

डॉ राधाकृष्णन हे त्यांच्या हयातीत गुणवंत विद्यार्थी (Students) होते, विद्यार्थ्यांमध्ये एक प्रसिद्ध शिक्षक होते. असे म्हटले जाते की, १९६२ मध्ये ते भारताचे दुसरे राष्ट्रपती म्हणून काम करत असताना, त्यांच्या विद्यार्थ्यांनी त्यांचा वाढदिवस - ५ सप्टेंबर - एक विशेष दिवस म्हणून साजरा करण्याची परवानगी मागितली. यासाठी डॉ राधाकृष्णन यांनी शिक्षकांचे समाजातील योगदानासाठी ओळखण्यात यावा अशी मागणी केली त्यासाठी ५ सप्टेंबर हा दिवस शिक्षक दिन म्हणून दरवर्षी साजरा करण्यात येतो. भारताच्या पहिल्या उपराष्ट्रपतींच्या स्मरणार्थ आणि आपल्या जीवनातील शिक्षकांचे महत्त्व लक्षात ठेवण्यासाठी शिक्षक दिन साजरा केला जातो.