Prayagraj Magh Mela 2026: प्रयागराजचा मेळा आजपासून सुरु! आत्ताच नोट करा विशेष स्नानाची तारीख

प्रयागराज हे धार्मिक ठिकाण अनेकांच्या ओळखीतलं असेलच. याच ठिकाण आजपासून म्हणजेच दिनांक ३ जानेवारी २०२६ पासून माघ मेळा सुरु झाला आहे. हा काळ माघ महिन्याचा असतो. कारण हिंदू पंचांगानुसार हा महिना खूप पवित्र आणि पुण्याचा मानला जातो. या महिन्यात केलेले स्नान, दान, जप आणि तप यामुळे व्यक्तीला आध्यात्मिक फळ मिळतं. अशी धार्मिक मान्यता आहे. याच कारणामुळे उत्तर प्रदेशातल्या प्रयागराजजवळ दरवर्षी माघ महिन्यात भव्य माघ मेळ्याचे आयोजन केले जाते. पुढे याची संपूर्ण माहिती आपण जाणून घेणार आहोत.

त्रिवेणी संगम, म्हणजेच गंगा, यमुना आणि सरस्वती नद्यांच्या संगमावर भरवला जाणारा हा मेळा श्रद्धा, आस्था आणि अध्यात्माचा संगम मानला जातो. या मेळ्यात देशभरातून तसेच परदेशातून लाखो भाविक, साधू-संत आणि कल्पवासी संगमात पवित्र स्नानासाठी येत असतात. यंदा मेळ्याला मध्ये 3 जानेवारीपासून सुरुवात ते 15 फेब्रुवारीपर्यंत शेवटचा दिवस असणार आहे.

यंदाच्या माघ मेळ्यात एकूण सहा प्रमुख स्नान पर्व असणार आहेत. ते पुढील प्रमाणे असणार आहेत.

1. 3 जानेवारी 2026 ला पौष पूर्णिमेला पहिले मुख्य स्नान होईल.

2. 14 जानेवारी 2026 ला मकर संक्रांतीच्या दिवशी पवित्र स्नान होईल.

3. 18 जानेवारी 2026 ला मौनी अमावास्येच्या दिवशी स्नान होईल.

4. 23 जानेवारी 2026 ला बसंत पंचमीच्या दिवशी स्नान होईल.

5. 1 फेब्रुवारी 2026 ला माघी पूर्णिमेच्या दिवशी स्नान होईल.

6. 15 फेब्रुवारी 2026 ला महाशिवरात्रीच्या दिवशी शेवटचे मुख्य स्नान होणार आहे.

स्नानाचे महत्व काय?

माघ महिन्यात वरील ६ स्नानांचे महत्व हिंदू धर्मात प्रचंड आहे. या दिवशी स्नान केल्याने आयुष्यातल्या बऱ्याच अडचणी दूर होतात असे मानले जाते. कारण प्रत्येक व्यक्तीला आयुष्यात अनेक खस्ता खाऊन पुढे जावे लागते. अशावेळेस लोक अध्यात्माकडे जातात. नंद्याच्या संगमावर स्नान केल्याने जीवनातल्या पापांचा नाश होतो आणि मानसिक शांतता मिळते. असे भाविकांचे मत आहे. यातले विशेष स्नान हे १८ जानेवारी रोजी होणार आहे.

टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं कुठलेही समर्थन अथवा दावा करत नाही.