Kids dental health : पालकांनो...! तुमच्या चिमुकल्यांच्या दाताचं आरोग्य जपा; आजच मुलांना लावा 'या' स्वच्छतेच्या सवयी

kids dental health hygiene habits : अनेक पालक असा विचार करतात की बाळाच्या दातांना कमीत कमी काळजी घ्यावी लागतं कारण ते कायमचे दात नसतात. हा गैरसमज दूर करणं गरजेचं आहे.
Kids dental health
Kids dental healthSaam tv
Published On

तुमच्या मुलाचे मौखिक आरोग्य चांगलं राहण्यासाठी वेळोवेळी दातांची योग्य काळजी घेणं गरजेचं आहे. जसं पालक त्यांच्या मुलाचे शारीरिक आणि मानसिक आरोग्य जपण्यासाठी प्राधान्य देतात, तसंच तोंडाच्या स्वच्छतेवरही भर देणं आवश्यक आहे.

पुण्यातील अंकुरा हॉस्पिटल फॉर वुमन अँड चिल्ड्रनमधील बालरोग दंतचिकित्सक डॉ. अभिनव तळेकर यांनी सांगितलं की, बाळाचे दात खाण्यासाठी, बोलण्यासाठी आणि चेहऱ्याच्या संरचनेच्या एकूण विकासात महत्त्वाची भूमिका बजावतात. लहान वयात तोंडाच्या स्वच्छतेकडे दुर्लक्ष केल्यास दातांमध्ये पोकळी, हिरड्यांचा संसर्ग आणि अगदी बोलण्यातही अडचणी येऊ शकतात ज्याचा मुलांवर प्रतिकूल परिणाम होऊ शकतो. परिणाम, लवकर दात किडणं हे कायमस्वरूपी व्यत्यय आणू शकते व दीर्घकालीन दंत समस्या उद्भवू शकतात.

पालकांनी लहानपणापासूनच मुलांना योग्य ब्रशिंग, फ्लॉसिंग आणि निरोगी खाण्याच्या सवयी शिकवल्या पाहिजेत जेणेकरून त्यांचे दात सुरक्षित राहतील व त्यांचा आत्मविश्वास वाढेल तसेच दातांची समस्या कमी होईल, ज्यामुळे त्यांचे आरोग्य चांगले राहिल. जेव्हा मुलांना आनंददायी आणि आकर्षक पद्धतीने दातांची काळजी घेण्यास प्रोत्साहित केले जाते, तेव्हा ते तोंडी स्वच्छतेचे मूल्य समजून घेतील आणि त्यांचं आरोग्य चांगले राखतील, असंही डॉ. तळेकर यांनी सांगितलं आहे.

Kids dental health
Diabetes Symptoms: रात्री झोपताना जर 'ही' 3 लक्षणं दिसली तर समजा डायबेटीज झालाय; शरीरातील मोठे बदल ओळखा

मुलांसाठी वेळीच दंत चिकित्सा गरजेची

नियमित दंत तपासणी

पालकांनी तुमच्या बाळाचा पहिला दात येण्यापूर्वीच मौखिक काळजी घेण्यास सुरूवात करावी. दूध पाजल्यानंतर मऊ, ओल्या कापडाने त्यांच्या हिरडे हळूवारपणे पुसल्याने बॅक्टेरिया नष्ट होण्यास मदत होते आणि भविष्यात ब्रशिंगसाठी त्यांना तयार केले जाते. पहिला दात बाहेर पडल्यानंतर, लहान, मऊ ब्रिस्टल असलेला टूथब्रश वापरा आणि त्यांचे दात दिवसातून किमान दोनदा स्वच्छ केले जातील याची खात्री करा.

Kids dental health
Stop Poking Nose : वारंवार नाकात बोटं घालताय? आताच व्हा सावध, डॉक्टरांनी दिलाय थेट मृत्यूचा इशारा

दात घासण्याची सवय

मुलाचे आवडते गाणे वाजवून, रंगीत टूथब्रश वापरून किंवा खेळ खेळत आनंदायी पध्दतीने त्यांना ब्रशिंगची सवय लावा. त्यांना त्यांचा टूथब्रश आणि टूथपेस्ट निवडू द्या जे त्यांच्यासाठी आनंद देणारे असू शकते. पालकांनी त्यांच्या मुलांसोबत ब्रश देखील करावा जेणेकरून ते तुमचे अनुकरण करत दात घासण्याची सवय लावू शकतील.

Kids dental health
मासिक पाळीदरम्यान खरंच स्तनांचा आकार वाढतो का? तज्ज्ञांनी सांगितलं शरीरात नेमकं काय होतं?

दात घासण्याच्या योग्य तंत्रांबद्दल जाणून घ्या

मुलाने किमान २-३ मिनिटे दात घासावेत याची खात्री पालकांनी करावी. मुलांसाठी योग्य दात घासण्याच्या तंत्राबद्दल मार्गदर्शनासाठी दंत चिकीत्सकांचा सल्ला घ्या.

साखरेचे पदार्थ आणि पेयांचे सेवन मर्यादित करा

पालकांनी त्यांच्या मुलांना केक, पेस्ट्री, मिठाई, चॉकलेट, कँडी, ज्यूस आणि सोडा देणे टाळावे. यामुळे दात किडण्याचा आणि दातात पोकळी होण्याचा धोका वाढू शकतो. पालकांनो, लक्षात ठेवा की आज केलेले हे छोटे छोटे प्रयत्न भविष्यात तुमच्या मुलांचे हास्य टिकवून ठेवण्यात मदत करतील.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com