Parenting Tips : पालकांनो, या कारणांमुळे मुलांना करावा लागतो डिप्रेशनचा सामना; लक्षणे दिसताच घ्या डॉक्टरांचा सल्ला

Child Mental Trauma :

व्यस्त जीवनशैली आणि कामाच्या व्यापामुळे पालकांना आपल्या मुलांकडे व्यवस्थितरित्या लक्ष देता येत नाही. पालक मुलांबद्दल अतिसंवेदनशील असतात म्हणून त्यांनी केलेल्या चुकांवर ते ओरडतात.

पालकांनी (Parents) ओरडल्यामुळे वाढत्या वयात मुलांच्या शारीरिक आणि मानसिक आरोग्यावर (Health) परिणाम होतो. हल्ली लहान मुलांमध्ये नैराश्याचे (Depression) प्रमाण अधिक वाढले आहे. यावर वेळीच मात न केल्यास परिणाम गंभीर होतात. मुलांमध्ये नैराश्याची कारणे अनेक असू शकतात. पालकांनी ती वेळीच ओळखायला हवी. जाणून घेऊया त्याबद्दल

1. विभक्त कुटुंब

पूर्वी एकत्र कुटुंब पद्धत होती परंतु, सध्या विभक्त कुटुंब पाहायला मिळत आहे. एकत्र कुटुंबात मुलांना अनेकांचे प्रेम भेटायचे हल्ली मिळत नाही. दिवसभर पालक कामात व्यस्त असल्यामुळे मुलांना एकटे वाटते. त्यामुळे त्यांना नैराश्य येते.

2. ओरडणे

अनेकदा पालक मुलांची चूक झाली की, त्यांना ओरडतात, रागवतात. परंतु, वाढत्या वयात मुलांना या गोष्टी समजत नाही. त्यामुळे ते चुकीचे पाऊल उचलतात. पालकांनी मुलांना अशावेळी शांतपणे समजावून सांगणे गरजेचे आहे.

3. मनातले बोलणे अशक्य

बरेचदा पालक मुलांशी बोलत नाही. दिवसभराच्या थकव्यामुळे ते मुलांपासून दूर राहातात. न्यूक्लियर फॅमिलीमुळे मुलांना घरात एकटे वाटते. त्यांच्या भावना शेअर न करता येत असल्यामुळे त्यांना नैराश्य येते.

4. मुलांमध्ये नैराश्याची लक्षणे

• थकवा

• स्वभावातील हावभाव

• ऊर्जेची पातळी कमी होणे

• झोपेशी संबंधित समस्या

• नकारात्मक विचार

• नेहमी पेक्षा जास्त किंवा कमी खाणे

• सतत चिडचिड करणे

• एकाच जागी शांतपणे बसून राहाणे