Parenting Tips : मुलांची परीक्षा संपली, घरात बसून कंटाळले? अशाप्रकारे ठेवा व्यस्त

How To Busy Your Child After Exam :

बारावीच्या मुलांच्या परीक्षा संपल्या असून लवकरच दहावीच्या संपतील. परीक्षा संपल्यानंतर मुलांच्या मनावरील ताण कमी होतो. त्यामुळे त्यांच्याकडे अधिक वेळ असतो.

शाळा आणि अभ्यासातून सुटका मिळाल्यामुळे त्यांना काही प्रमाणात बरे वाटते. पुढे काय करायचे हा प्रश्न त्यांच्या समोर उभा राहातो. दिवसभर काय करायचे? सतत बसून राहाणे किंवा काहीच न करणे त्यांना जमत नाही. त्यामुळे त्यांची अधिक चिडचिड होते. घरात बसून राहाणे किंवा दिवसभर बाहेर खेळून त्यांना वैताग येतो. काही मुले (Child) तासनतास टीव्ही, मोबाईल फोन पाहात बसतात.

पालकांनी (Parents) या संधीचा फायदा घेऊन मुलांना घरातील कामे करायला सांगू शकतात. तसेच तुमच्या नात्याला (Relation) समजून घेण्यासाठी हा वेळ देखील चांगला असतो. पालकांनी अशावेळी काय करायला हवे जाणून घेऊया.

1. छंद जोपासायला सांगा

प्रत्येक मुलाला काही ना काही करण्याची आवड असते. काहींना चित्र काढायला आवडते तर काहींना डान्स करायला. अशावेळी मुलांना त्यांना त्यांचे छंद जोपासण्यास प्रोत्साहन करा.

2. नवीन कौशल्य

मुलांना आवडणाऱ्या गोष्टी शिकवा. त्यांच्या असणाऱ्या कलागुणांना वाव द्या. ज्यामुळे सुट्टीच्या काळात नवीन कौशल्य विकसित करता येतील. यासाठी तुम्ही त्यांना क्लासला लावू शकता.

3. बाहेर फिरायला घेऊन जा

मुलांना स्क्रीन टाइमपासून लांब ठेवायचे असेल तर त्यांना निसर्गाशी संपर्क साधायला सांगा. झाडे लावणे, त्यांची काळजी घेणे. नवीन ठिकाणे फिरणे, त्या ठिकाणी काय पाहायला मिळाले. ट्रेकिंगला घेऊन जा ज्यामुळे त्यांना बाहेरच्या वातावरणाची गोडी लागेल.