Study Time : मुलांनो, अभ्यास करण्याची ही असते योग्य वेळ? या वेळी अभ्यास केल्यास कधीच येत नाही अपयश

Child Study Time :

सध्या बारावीच्या बोर्डाची परीक्षा सुरु आहे. लवकरच दहावी आणि वार्षिक परीक्षा सुरु होतील. अशावेळी मुलांना अभ्यासाचा आणि परीक्षेचा ताण येतो. ज्यामुळे त्याच्या शारीरिक आणि मानसिक आरोग्यावर परिणाम होतो.

अभ्यास करताना मूल जे काही वाचतात ते त्यांना आठवत आहे की, नाही हे जाणून घेणे खूप महत्त्वाचे आहे. तसेच पालकांनी (Parents) मुलांच्या अभ्यासासाठी योग्य वेळ निवडणे खूप महत्त्वाचे आहे. त्यामुळे त्याच्या शिकण्यावर आणि स्मरणशक्तीवर परिणाम होतो. अभ्यास करण्यासाठी त्यांचे मन आणि शरीर एकाग्र होते. यासाठी पालकांनी आपल्या मुलांना कोणत्या वेळी अभ्यास करायला सांगायला हवे. अभ्यास करण्याची देखील योग्य वेळ (Time) असते का जाणून घ्या.

1. सकाळी १० ते दुपारी २

स्टडीनुसार, मेंदूचे कार्य हे सकाळी शिकण्यासाठी आणि सर्वाधिक माहिती गोळा करण्यासाठी चांगले असते असे म्हटले जाते. यावेळी मेंदू सर्वात जास्त सतर्क असतो. ज्यामुळे त्याची शिकण्याची आणि लक्ष केंद्रित करण्याची क्षमता वाढण्यास मदत होते.

2. आहार महत्त्वाचा

मुले अभ्यास करण्यापूर्वी कोणते पदार्थ (Food) खातात किंवा पालकांनी त्यांना कोणते पदार्थ खाऊ घालावे हे देखील अधिक गरजेचे आहे. सकाळी पौष्टिक नाश्ता खाल्ल्याने शरीराला ऊर्जा मिळते. ज्यामुळे लक्ष केंद्रित करण्यासाठी आवश्यक ऊर्जा मिळते. त्यासाठी मुलांच्या नाश्त्यात पौष्टिक पदार्थांचा समावेश करा.

3. दुपारीची वेळ महत्त्वाची

दुपारी ४ ते रात्री १० च्या वेळी मेंदू अधिक सक्रिय राहातो. हा वेळ अभ्यासासाठी अधिक महत्त्वाचा ठरु शकतो. अभ्यासापूर्वी मुलांना आराम करायला वेळ द्या. संध्याकाळच्या वेळी हलका आणि पौष्टिक नाश्ता खायला द्या. ज्यामुळे अभ्यास करताना त्यांना झोप येणार नाही.

4. रात्रीचे जेवण

मुलांच्या रात्रीच्या जेवणात ओमेगा-३ फॅटी अॅसिडचे पदार्थ जसे की, फॅटी फिश किंवा फ्लॅक्स सीड्सचा समावेश करा. यामुळे मेंदू निरोगी राहाण्यास मदत होईल तसेच मुलांची बौद्धिक क्षमता वाढेल. याशिवाय मुले जर पहाटे ४ ते ७ च्या वेळेस अभ्यास करत असतील तर ते टाळावे. कारण यावेळी शरीर झोपेत असते. ज्यामुळे अभ्यासावर पूर्णपणे लक्ष केंद्रित करता येत नाही.