Oil Free Breakfast : एक थेंब सुद्धा तेलाचा वापर न करता बनवा सकाळचा नाश्ता; आरोग्याला मिळतील जबरदस्त फायदे

सध्या प्रत्येक व्यक्ती काही ना काही आजाराने त्रस्त आहेत. आरोग्य सुदृढ आणि निरोगी रहावं यासाठी प्रत्येक व्यक्ती काही ना काही टिप्स फॉलो करत असतात. वजन वाढणे, बीपी, शुगर, कॉलेस्ट्रॉल या समस्या आहारात असलेल्या तेलामुळे होतात. तेलाचे प्रमाण जास्त झाले की आपल्याला विविध आजार जडतात.

त्यामुळे अनेक व्यक्ती फॅट आणि ऑईल फ्री पदार्थ खाणे पसंत करतात. त्यामुळे आज सकाळी ऑफिसच्या वेळेत झटपट असाच ऑईल फ्री नाश्ता कसा बनवायचा याची माहिती पाहणार आहोत.

ओट्स किंवा रवा उपमा

ही रेसिपी बनवण्यासाठी सर्वता आधी पॅनमध्ये थोडं जिरे भाजून घ्या. जिरे थोडे भाजत आले की त्यात कांदा टाका. कांदा छान शिजावा यासाठी त्यामध्ये पाणी टाकून घ्या. पाण्याला उकळी आली की तुमच्या आवडीचे मसाले आणि भाज्या टाका. सर्व शिजल्यावर त्यात ओट्स टाकून एक फाव काढून घ्या. तयार झाले ओट्स. अशाच पद्धतीने तुम्ही रवा उपमा सुद्धा बनवू शकता.

कॉर्न पनीर सलाड

वजन कमी करणे यासह हृदय निरोगी ठेवण्यासाठी सलाड फायदेशीर आहे. त्यासाठी आधी पनीरचे तुकडे एका नॉनस्टिक पॅनमध्ये गोल्डन ब्राऊन होईपर्यंत भाजून घ्या. त्यानंतर कॉर्न कुकरल शिजवून घ्या. तुम्ही यामध्ये शेंगदाणे रात्री भिजत ठेवून सकाळी ते मिठाच्या पाण्यात शिजवू शकता. हे सर्व मिश्रण एकत्र करा आणि त्यावर चाट मसाला, मिरी पूड टाकून मस्त ताव मारा.

आलू पराठा

बटाटे आधी शिजवून घा. त्यानंतर यामध्ये हळद, मीठ, मीरची आणि जिरे, मोहरी मिक्स करा. नंतर चपातीचे पीठ मळून त्यात बटाट्याच्या भाजीचे मिश्रण भरून घ्या. तसेच गॅसवर भाजून घ्या. तयार झाला आलू पराठा.

या तिन्ही रेसिपी फार सोप्प्या आणि झटपट तयार होणाऱ्या आहेत. याने तुम्हाला वजन कमी करण्यासाठी देखील मोठी मदत होते.

टीप : ही फक्त सामान्य माहिती आहे. तुम्ही अधिक माहितीसाठी डॉक्टरांचा सल्ला घेऊ शकता.