Heart blockage symptoms: फक्त छातीतील वेदना नाही तर हे ५ बदल देतात हार्ट ब्लॉकेजचे संकेत; तुम्ही इग्नोर करत नाही ना?

आपल्या शरीरातील प्रत्येक भागात रक्त पुरवठा करण्याचं काम हृदय करतं. हृदय रक्त पंप करून शरीरातील प्रत्येक अवयावाला रक्तपुरवठा करतं. यासाठी दर सेकंदाला हृदयाला काम करावं लागतं. त्यामुळे रक्तवाहिन्यांमधून रक्तपुरवठा रोखणं हे घातक ठरू शकतं. वैद्यकीय भाषेत याला कोरोनरी आर्टरी डिसीज किंवा हार्ट ब्लॉकेज म्हणतात.

तज्ज्ञांच्या म्हणण्यानुसार, ही स्थिती अचानक उद्भवत नाही आणि ती होण्यापूर्वी शरीर अनेक सिग्नल देतं. ही लक्षणं काय असतात ते जाणून घेऊया. जेणेकरून समस्या असल्यास त्यावर वेळीच उपचार करता येतील.

छातीत वेदना होणं

हार्ट ब्लॉकेजचं सर्वात सामान्य लक्षण म्हणजे छातीत वेदना होणं. जर तुम्हाला छातीत घट्टपणा, जळजळ जाणवत असेल तर ते एनजाइनाचं लक्षण असू शकतं. थोडा आराम केल्यानंतर ही समस्या दूर होते.

श्वास घेण्यास त्रास होणं

जर तुम्हाला थोडं पायी चालल्यानंतर किंवा पायऱ्या चढल्यानंतरही श्वास घेण्यास त्रास होत असेल तर याचा अर्थ तुमच्या हृदयाला पुरेश्या प्रमाणात रक्तपुरवठा होत नसल्याचं लक्षण आहे. जर असं झालं तर ताबडतोब डॉक्टरांचा सल्ला घेणं आवश्य आहे.

छोट्या कामाने थकवा येणं

जर तुम्हाला साधी दैनंदिन कामं करूनही सतत थकवा जाणवत असेल तर याचा अर्थ तुमच्या हृदयाला पुरशा प्रमाणत रक्तपुरवठा होत नाहीये. हे देखील हार्ट ब्लॉकेजचं एक प्रमुख लक्षण असू शकतं.

हात, मान यांच्यात वेदना होणं

हृदयाच्या समस्यांची लक्षणं ही प्रत्येकवेळी छातीत दिसून येतील असं नाही. या वेदना शरीराच्या इतर भागातही जाणवतात. जसं की डाव्या हातातील, पाठ किंवा जबड्यात वेदना होणं. लोक अनेकदा या वेदनांकडे दुर्लक्ष करतात.

हृदयाची गती अनियमित होणं

जर तुमच्या हृदयाचे ठोके अचानक वेगाने जाणवत असतील तर सावध व्हा. कारण हे ब्लॉकेजचं लक्षण असू शकतं. यासोबत जर व्यक्तीला चक्कर येण्याचा त्रास होत असेल तर डॉक्टरांकडे धाव घ्यावी.

टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.