Silent heart attack risk: सायलेंट हार्ट अटॅकपूर्वी शरीरात होतात हे बदल; कोणाला असतो जास्त धोका, जाणून घ्या

हार्ट अटॅक म्हटलं की आपण लगेच छातीत तीव्र वेदना, जास्त घाम अशा लक्षणांची कल्पना करतो. मात्र सायलेंट हार्ट अटॅक म्हणजे हृदयविकाराचा असा प्रकार जो कोणत्याही मोठ्या लक्षणांशिवाय घडू शकतो. त्यामुळेच तो अधिक धोकादायक ठरतो.

अशा प्रकारच्या अटॅकची ओळख अनेकदा ECG काढल्यानंतरच होते. तोपर्यंत तो येऊन गेलेला असतो. त्यामुळे लवकर लक्षात घेणं आणि वेळीच तपासणी करणं फार महत्त्वाचं आहे.

सगळ्यात मोठं लक्षण म्हणजे असामान्य थकवा

जर सतत थकवा जाणवत असेल आणि तो विश्रांतीनंतरही कमी होत नसेल तर हे हृदय कमजोर होत असल्याचं संकेत असू शकतो. हा थकवा सामान्य नसून तो खोलवर जाणवतो. यावेळी कामात लक्ष लागत नाही आणि दिवसेंदिवस थकवा वाढत जातो.

हा थकवा दुर्लक्षित का होतो?

कारण हा थकवा हळूहळू वाढतो. यावेळी तुम्हाला ना छातीत वेदना, ना धाप लागणं अशी कोणतेही लक्षणं जाणवत नाही. लोक बहुतेक वेळा हे ताण-तणाव, झोपेचा अभाव किंवा थोडासा आजार म्हणून दुर्लक्ष करतात. मात्र हेच दुर्लक्ष तुम्हाला महागात पडू शकतं.

साइलेंट हार्ट अटॅकची इतर लक्षणं

• छातीत जडपणा किंवा गुदमरल्यासारखं वाटणं

• श्वास घेण्यात त्रास होणं

• पाठ किंवा जबड्यात किरकोळ वेदना

• चक्कर येणं

• घाम येणं

• मळमळ, उलटी

मुख्य म्हणजे ही लक्षणं सामान्य वाटतात पण सतत जाणवत असतील तर हृदयविकाराची शक्यता नाकारता येत नाही.

सायलेंट अटॅकचा धोका

ज्यावेळी अशा प्रकारचा हार्ट अटॅक ओळखला जात नाही, तेव्हा हृदयात कायमस्वरूपी नुकसान होऊ शकतं. यामध्ये हृदयाची कार्यक्षमता कमी होते आणि त्यामुळे पुढे जाऊन हार्ट फेल होणं, हृदयाचे ठोके अचूक होणं, स्ट्रोक किंवा अचानक मृत्यू सुद्धा होऊ शकतो.

सायलेंट हार्ट अटॅकचा धोका कोणाला?

सायलेंट हार्ट अटॅक कोणालाही होऊ शकतो, पण खालील लोकांमध्ये धोका जास्त असतो:

• मधुमेह असलेले लोक

• जास्त कोलेस्ट्रॉल किंवा बीपी असणाऱ्या व्यक्ती

• सतत धूम्रपान

• ५० वर्षांपेक्षा अधिक वयाचे

• लठ्ठपणा असलेले लोक