लिव्हर खराब झाल्याची लक्षणे प्रामुख्याने पायांमध्ये दिसून येतात.
पाय आणि घोट्यांमध्ये सूज येणे हे लिव्हर समस्येचे सामान्य लक्षण आहे.
पायांच्या त्वचेला खाज येणे हे पित्त साचण्याचे लक्षण असू शकते.
आपल्या शरीरात यकृत हा एक अत्यंत महत्त्वाचा अवयव आहे. अन्नपचन, शरीरातील टॉक्सिन्स बाहेर टाकणं, ऊर्जा निर्मिती आणि इतर अनेक महत्त्वाच्या क्रिया लिव्हरच्या सहाय्याने होतात. मात्र ज्यावेळी लिव्हर व्यवस्थित काम करत नाही त्यावेळी त्याचे परिणाम पूर्ण शरीरावर दिसू लागतात.
तज्ज्ञांच्या म्हणण्यानुसार, लिव्हर खराब झाल्याचे संकेत पहिल्यांदा पायांमध्ये दिसून येतात. ही लक्षणं वेळेत ओळखून उपचार न घेतल्यास पुढे जाऊन गंभीर लिव्हर रोगांची शक्यता वाढते. लिव्हरची ही लक्षणं कोणती आहे ते पाहूयात.
लिव्हरचं काम बिघडल्यावर विशेषतः सिरोसिससारख्या गंभीर स्थितीत शरीरात प्रोटीन तयार होणं कमी होतं. प्रोटीनचं प्रमाण रक्तात घटल्यामुळे शरीरात द्रव साचायला लागतो. हा द्रव प्रामुख्याने घोट्यांमध्ये आणि पायांमध्ये जमा होतो, ज्यामुळे तिथं सूज येते.
ज्यावेळी लिव्हर नीट पित्त शरीरातून बाहेर टाकू शकत नाही तेव्हा ते शरीरात साचायला लागतं. याचा प्रभाव त्वचेवर दिसून येतो विशेषतः पाय आणि तळहातांमध्ये तीव्र, सतत होणारी खाज जाणवते. ही खाज इतकी असह्य असते की, त्याचा तुमच्या झोपेवरदेखील परिणाम होतो.
लिव्हरचा आजार दीर्घकाळ असला तर त्याचा परिणाम नर्व्हस सिस्टिमवर होतो. यामुळे पायात मुंग्या येणं, सुई टोचल्यासारखं जाणवणं किंवा आग होणं ही लक्षणं जाणवू लागतात. हे लक्षण ‘पेरीफेरल न्युरोपॅथी’ या नावाने ओळखलं जातं आणि यकृताच्या कार्यात बिघाड झाल्याचं हे एक गंभीर संकेत असतो.
लिव्हर योग्य प्रकारे बिलीरुबिन बाहेर टाकू शकत नाही तेव्हा त्याचं प्रमाण वाढून जॉन्डिसची स्थिती उद्भवते. यामुळे चेहरा, डोळे यांच्यासोबतच पायांची त्वचा पिवळसर दिसते आणि नखांमध्येही रंगत बदल होतो. या बदलांवर वेळेत लक्ष दिलं नाही तर स्थिती अधिक गंभीर होऊ शकते.
क्रॉनिक लिव्हर डिजीजमुळे शरीरातील स्नायूंची ताकद कमी होते. याचा थेट परिणाम पायांमध्ये वेदना जाणवणं, चालताना दम लागणं आणि स्नायूंमध्ये वारंवार cramps येणं अशा स्वरूपात होतो.
लिव्हरच्या समस्येची लक्षणे कोठे आधी दिसून येतात?
लिव्हरच्या समस्येची लक्षणे प्रामुख्याने पायांमध्ये दिसून येतात.
पायांमध्ये सूज येण्याचे कारण काय आहे?
लिव्हर समस्येमुळे शरीरात प्रोटीन कमी होऊन द्रव साचतो , त्यामुळे पाय आणि घोट्यांमध्ये सूज येते.
पायांच्या त्वचेला खाज का येते?
पायात मुंग्या येणे हे लिव्हरच्या दीर्घकाळाच्या आजारामुळे नर्व्हस सिस्टिमवर होणाऱ्या परिणामाचे लक्षण आहे (पेरीफेरल न्युरोपॅथी).
पायांची त्वचा पिवळी पडण्याचे कारण काय?
लिव्हर बिलीरुबिन बाहेर टाकू शकत नसल्यामुळे त्वचा आणि नखे पिवळे पडतात, ज्याला कावीळ म्हणतात.
डिस्क्लेमर : वरील माहिती आम्ही फक्त वाचक-प्रेक्षकांना देत आहोत. आम्ही याचं समर्थन अथवा दावा करत नाही. कोणतेही उपचार, डाएट आणि औषधं तज्ज्ञांच्या सल्ल्यानंच घ्यावीत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.