Insomnia Relief: रात्री झोप येईना? 'या' ५ चुका टाळा मग येईल गाढ झोप

सध्याच्या दगदगीच्या जीवनशैलीमुळे अनेकांच्या खाण्यापिण्याच्या आणि झोपेच्या वेळा बदलल्या आहेत. सध्या आळस खूप वाढत चालला आहे. लोक पुर्वीसारखं मेहनतीचं म्हणजेच जड काम करत नाहीत. तर कोणत्याही गोष्टीची सोपी ट्रिक शोधतात. पण त्यामुळे शरीराची हालचाल कमी झाली आहे. त्याच्या परिणाम तुमच्या शरीरावर होतो. विशेष म्हणजे तुम्हाला झोपेसंदर्भात अनेक तक्रारी जाणवतात.

बऱ्याचदा आपण रात्री झोपायला गेलो की, मोबाईल पाहतो. तिथेच अनेकांचं चुकतं. तुमच्या याच सवयीमुळे तुमची झोप उडू शकते. अंथरूणावर पडूनही डोळ्यांना झोप लागत नाही. याचा परिणाम दुसऱ्या दिवशी फक्त थकवा किंवा आळस म्हणून जाणवतो असं अनेकांना वाटतं. पण याचा थेट संबंध तुमच्या शरीराच्या आरोग्यावर होऊ शकतो.

तज्ज्ञांच्या मते, तुम्ही दिवसभरात करणाऱ्या चुकांमुळे तुम्हाला झोप न येण्याच्या समस्येला सामोरं जावं लागतं. तुम्हाला यासाठी कोणतेही जास्तीचे कष्ट करायची गरज नाही. त्यासाठी तुम्हाला सगळ्यात आधी तुमच्या ठरलेल्या वेळेत झोपणं गरजेचं आहे. सुट्टीच्या दिवशीही वेळ बदलणं टाळा. याने तुम्हाला पुन्हा सवय लावणं कठीण होऊन जातं.

तुम्ही जर वेळेवर झोपलात आणि वेळेवर उठलात तर तुमच्या हार्टवर कोणताच वाईट परिणाम होत नाही. तर दुसरी महत्वाची गोष्ट म्हणजे तुम्ही ज्या ठिकाणी झोपताय तिथे स्वच्छता, शांतता आणि अंधार आहे का? हे तपासा. अशा वातावरणात मेंदूला आरामाचा संदेश मिळत नाही.

सगळ्यात महत्वाचं म्हणजे तुम्ही झोपताना चहा, कॉफी किंवा कॅफिनयुक्त ड्रिंक्स घेणं टाळा. त्याने तुम्हाला फ्रेश वाटतं आणि झोप उडते. तर दिवसातून किमान ३० मिनिटे चाला किंवा व्यायाम करा. त्याने शरीर थकतं आणि तुम्हाला झोप लागते. तसेच सकाळी कोवळ्या उन्हात उभे राहा. झोपताना चुकीच्या सवयी टाळा. म्हणजे टीव्ही पाहणे, मोबाईल पाहणे, लॅपटॉपचा वापर करणे अशा सवयी त्या-त्या वेळेतच पूर्ण करा.