Navratri Colour History: लाल, पिवळा, हिरवा... नवरात्रीचे रंग कोणी ठरवले? काय आहे नऊ रंगाचा इतिहास?

अवघ्या काही दिवसात नवरात्र उत्सवाला सुरूवात होणार आहे. नवारात्रीनिमित्त अनेक वस्तूंनी बाजारपेठा फुलल्या आहेत. घरोघरी, मंडळांमध्ये नवरात्रोत्सव साजरा केला जातो. नवरात्रीत नऊ दिवस देवीचा जागर गोंधळ असतो. गरबा खेळला जातो.

नवरात्रीत नऊ दिवस दुर्गा देवीच्या नऊ रूपांची पूजा केली जाते. नवरात्रीत विशेष असते ते म्हणजे नवरात्री रंग. नवरात्रीत प्रत्येक दिवशी वेगळ्या रंगाचे वस्त्र परिधान करतात. नऊ दिवस महिला व मुली या रंगाचे कपडे घालतात. ऑफिस महिला, महिलांचे ग्रूप याचे पालन करतात. यात पुरूष देखील सहभाग घेत आहेत.

मात्र तुम्हाला माहितीये का नवरात्री आणि नऊ रंगाचा खरंच संबंध आहे का? खरंच ही प्रथा आहे. नवरात्रीत नऊ रंगाचे वस्त्र परिधान करण्याची ही सुरूवात नेमकी केव्हापासून सुरू झाली. असे प्रश्न सामान्य आहे. सोशल मीडियावर महिनाभरापूर्वीच नवरात्रीचे रंग व्हायरल होत असतात. यानुसार नवरात्रीचे हे नऊ रंग नेमके कोण ठरवते. असा प्रश्न देखील आहे.

नवरात्रीच्या नऊ रंगाचा ट्रेंड दरवर्षी फॉलो केला जातो. नवरात्रीच्या रंगाप्रमाणे नऊ दिवस वस्त्र परिधान केले जाते. मात्र तुम्हाला माहितीये का नवरात्री आणि रंग याचा काही फारसा संबंध नाही. नवरात्र म्हणजे जगदंबेचा जागर असतो. नऊ रात्री जागर करून देवीचा उत्साह केला जातो. देवीला कोणत्या विशिष्ट रंगाचे वस्त्र परिधान करावे अशी कोणतीही माहिती नाही.