Monsoon Care : पावसाळा हा ऋतू जितका सुखद तितकाच आरोग्यासाठी घातक समजला जातो. पावसाळ्यात आपल्याला आरोग्याच्या अनेक समस्यांना सामोरे जावे लागते. वातावरणात तयार होणाऱ्या गारव्यामुळे आपल्या शरीरावर लगेच परिणाम होतो.
या ऋतूमध्ये आपल्याला ताप, सर्दी, खोकला, त्वचारोगस, डायरिया व मलेरियासारख्या आजारांना सामोरे जावे लागते. अशावेळी आपल्या शरीरातील रोगप्रतिकारशक्ती देखील कमी होते. ज्यामुळे संक्रमण लवकर होते. परंतु, काही गोष्टींची काळजी घेतल्यास तुम्ही मुलांना इनफेक्शनपासून वाचवू शकतात. जाणून घेऊया कसे ते
1. सतत हात धुवा
या ऋतूमध्ये निरोगी राहण्यासाठी, विषाणूपासून स्वतःचे संरक्षण करणे सर्वात महत्वाचे आहे काही खाण्यापूर्वी मुलांचे (Child) हात स्वच्छ धुणे. यासाठी किमान 20 सेकंद साबण आणि पाण्याने हात धुवा. विशेषत: शौचालय वापरल्यानंतर, खाण्यापूर्वी आणि आजारी व्यक्तीच्या संपर्कात आल्यानंतर हात स्वच्छ (Clean) करा.
2. आजारी लोकांशी संपर्क टाळा
तुमच्या आजूबाजूला कोणी आजारी असेल, सर्दी किंवा फ्लूची लक्षणे (Symptoms) दिसत असतील तर त्या व्यक्तीपासून अंतर ठेवण्याचा प्रयत्न करा. त्यांच्या संपर्कात आल्यानंतर स्वत:ची विशेष काळजी घ्या
3. लसीकरण करा
पावसाळ्यात फ्लू आणि न्यूमोनिया यांसारख्या विषाणूजन्य संसर्गाविरूद्ध लसीकरण केले जाऊ शकते. लसीकरण केल्याने मुलांना होणारा संसर्ग टाळण्यास मदत होऊ शकते.
4. आरोग्याला पोषक अन्न खा
संसर्गापासून स्वतःचे संरक्षण करण्यासाठी, तुमची प्रतिकारशक्ती (immunity) मजबूत करणे महत्वाचे आहे. अशा परिस्थितीत तुमची प्रतिकारशक्ती वाढवण्यासाठी सकस आहार घ्या. निरोगी अन्न खाल्ल्याने शरीराला संसर्गाशी लढण्यासाठी आवश्यक पोषक तत्वे मिळतात. त्यामुळे या वेळी भरपूर फळे, भाज्या आणि संपूर्ण धान्यांचा आहारात समावेश करा.
5. हायड्रेटेड राहा
निरोगी राहण्यासाठी हायड्रेटेड राहणे देखील खूप महत्वाचे आहे. विशेषतः पावसाळ्यात जेव्हा वातावरण उष्ण आणि दमट असते. अशा परिस्थितीत हायड्रेटेड राहण्यासाठी भरपूर द्रवपदार्थ जसे पाणी, ज्यूस इत्यादी प्यावे.
6. घराभोवती पाणी साचू देऊ नका
घराबाहेर पावसाचे (Monsoon) पाणी साचल्यास ते वेळीच कोरडे करा. यामुळे डास तयार होतात. अशा पाण्यात डेंग्यू आणि मलेरियाचे डास वाढू शकतात. अशा वेळी पावसाळ्यात घरामध्ये किंवा आजूबाजूला पाणी साचू देऊ नका याची काळजी घ्या.
डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
