Tea Addiction: दुधाचा चहा पिताय? सावधान! शरीरावर होईल गंभीर परिणाम

भारतात चहा हा एक दैनंदिन जीवनातला अविभाज्य घटक आहे. लोक त्यांच्या दिवसात चहाने करतात. ऑफीसमध्ये ही थकल्या माणसाच्या समोर चहा नेला की, त्यालाही अगदी फ्रेश वाटतं. असे चहाचे अनेक फायदे आहेत. मात्र चहाचे अनेक दुष्परिणाम सुद्धा आहेत. एका संधोधनात असे आठळले आहे की, वारंवार चहाचे सेवन केल्याने तुमच्या स्वभावात मोठ्या प्रमाणात बदल होतो. नैराश्य, चिंता, तणाव आणि मानसिकतेवर मोठ्या प्रमाणात परिणाम होतो.

दुधाच्या चहामध्ये साखर, कॅफिन आणि अॅडिटीव्ह असते. त्याचा परिणाम तुमच्या मेंदूवर होऊन तुम्हाला तणावाच्या समस्येला सामोरे जावे लागते. शिवाय तरुणामध्ये ही समस्या मोठ्या प्रमाणात वाढत आहे. तरुणांसाठी चहा हे एक ट्रेंडी पेय असते. त्यामुळे ते वारंवार त्याचे सेवन करतात. याने मूड फ्रेश झाल्यासारखे जरी वाटत असले तरीही, शरीरासाठी हे योग्य नाही.

दुधाचा चहा पिणाऱ्यांना झोपेच्या समस्या मोठ्या प्रमाणात जाणवत आहेत. चहामुळे छातीत जळजळ किंवा अॅसिडीची समस्या वाढते. त्यामुळे झोप व्यवस्थित लागत नाही. सकाळी रिकाम्या पोटी चहा प्यायल्याने तुम्हाला अॅसिडीटीची समस्या जाणवू शकते. तसेच तज्ज्ञांच्या मते, गर्भवती महिलांनी चहा पिणं टाळले पाहिजे. कारण दुधाच्या चहामध्ये कॅफिनचे प्रमाण जास्त असते. त्याने झोप येत नाही.

मानसिक आरोग्यतज्ज्ञांचे मत आहे की, चहा पूर्णपणे वर्ज्य करणे गरजेचे नाही, मात्र त्याचे प्रमाण नियंत्रित ठेवणे आवश्यक आहे. दुधाऐवजी ग्रीन टी, ब्लॅक टी किंवा हर्बल टीचे सेवन केल्यास मानसिक आरोग्यावर होणारा दुष्परिणाम टाळता येऊ शकतो. त्यामुळे चहाच्या एका कपामध्ये मिळणारा आनंद जितका महत्त्वाचा आहे, तितकंच आरोग्याचं संतुलन राखणंही आवश्यक आहे.

टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.